قال الإعلامى عمرو أديب: "معنديش كلامين أصل أقول حاجة وأرجع تانى ألم من إمبارح –ودا شيء أنا معتاده –، مضيفا: "الجزيرة والجزيرة مباشر ومواقع الإخوان سابت الدنيا كلها ومورهاش غيرى أنا متعود، قناة الجزيرة سايبين الدنيا والإرهاب وماسكين في عمرو أديب".
وأضاف خلال تقديمه برنامج "الحكاية"، على فضائية "MBC مصر": "بصراحة الواحد يتغر، كل المواقع على الكلام اللى قلته إمبارح، إمبارح كانوا عاوزين الفرة تفر، وموضوع المدن الجامعية تفر، من هنا للعيد إن الجزيرة والإخوان قرروا يستغلوا لحظة غضب من الكورونا، وقرروا إن الكورونا والأزمة الاقتصادية من الكورونا يعملك مشاكل، ويتكلموا إن المصريين بيتعاملوا ازاى والمدن الجامعية عاملة إزاي وبيتداولوا الصور، وخادونى ونسيوا الموضوع الأصلى وعمرو أديب نخلص عليه".
وتابع: "عمرى.. اللى اتفرج عليا السنين اللى فاتت متعود على المعارك دى، معنديش مشكلة وأنا فدا البلد خدونى أنا وسيبوا البلد".
بعد دخول ابنه الحجر الصحى للعائدين من الخارج بالمجان.. عمرو أديب يتبرع بـ250 ألف جنيه لصندوق "تحيا مصر"
وأعلن الإعلامى عمرو أديب، أنه تبرع لصندوق تحيا مصر بمبلغ 250 ألف جنيه لصندوق تحيا مصر، قائلاً: "ابنى كان من العالقين في لندن من أول وفدين جم، الوفد التانى اللى كان فيه ابنى في لندن، وعمرو أديب لم يقرر أن يخرج نجله من الحجر، وابنى دخل الأوتيل ودخل الحجر وقعد 14 يوم كاملين، وكان من العالقين اللى جم في الأول، ونزلوا في أوتيل المطار".
وأضاف أديب: "وكان فيه فيديوهات بيقولوا ‘يه: سندويتشات للانشون ودبنة، وابنى جه ولم يتم استثناؤه في شيء، وكان مهم له ولى، ويتم الكشف عليه ومتابعة درجة الحرارة لكى لا ينقل المرض لأهله، والدولة واخدة قرار محدش يدفع، والنهاردة كلهم طالعين، ويشاء المولى عز وجل إلا أن يتم نوره، بيقولوا: ابن عمرو أديب، وسابوا قضية الناس الغلبانة اللى في الأوتيلات، وهم على الهواء دلوقتى".
وتابع أديب: "قلتلكم مينفعش الناس القادرة متدفعش ولام تدفع، وقبل ما ابنى يخلص الحرج بيومين كنت مورد لصندوق تحيا مصر 250 ألف جنيه 10 أضاف مصاريف"، عارضا خطاب التحويل لصندوق تحيا مصر، مردفا: "أنا مبقولش كلامين، ومبقولش حاجة ما أعنيهاش، والبلد دى تستحق نتحمل عشانها، استحمل معايا يا أخى وأنت جاى من برة، عارف أنك جاى تعبان، فيه هنا تعبانين وناس مش لاقية أكل عيشها برضو، مش أول ما توصل تقول ايه السرير ده، وانت بقيت لقمة لهم".
وأردف: "طيارته وهو جاى مدفوعة برضو، كل واحد قادر في البلد دى أنت اللى تدفع، ومتشيلش البلد حاجة في الظرف دا، ولا مليم، كان ممكن وقتها أقول أنا تبرعت، قلت لا يابنى، وقلو لأصحابك الناس اللى تقدر لازم تدفع، وكانت لسه الدولة بتفكر إنها تدفع للناس، كل اللى بطلبه بس الظروف بعد كده هتبقى أصعب، واحنا داخلين في خناقة على مخدة ومرتبة، وجايبين بقى الفلوس ب تروح فين والطلبة اللى في الأزهر بيقعدوا في أوض زى دى".
واستكمل أديب: "الحمد لله ابن عمرو أديب، محدش صرف عليه مليم، لا طيارة ولا أكل ولا تعليم ولا أي حاجة، وأنا حسيت أنه حرام البلد متدفعش الكلام ده، وأنا اللى لازم أدفع، وأدفع الطاق عشرة، ابنى قعد الـ14 يوم ودفع حسابه وأكتر، ووقف في الطابور، أنا حبيته يبقى زيه زى أي إنسان".
عمرو أديب يهاجم مذيعة الجزيرة: "قالت إنى بتقاضى رشوة من وزارة الصحة.. ورحمة أمى هرفع عليها قضية"
هاجم الإعلامى عمرو أديب مذيعة قناة الجزيرة، قائلاً: "المزة اللى وافقة دى ورحمة أمى هرفع عليها قضية، شايفين صورتى بقيت مشهور، مردفاً: "قالت عمرو أديب يتقاضى من وزارة الصحة "رشوة".
وأضاف خلال تقديمه برنامج "الحكاية": "هو أنا مش هلقى غير وزارة الصحة أخد منها رشوة، من كتر فلوسها يعنى، هاخد أدوية عينى، دى وزارة الصحة المصرية إذا مكنتش أدافع عن بلدى وأطلب من الناس توقف جنب بلدها وتبقى حنينة، أنا كل اللى طلبته تبقى حنين على البلد".
وعن التعليق على نزل العائدين من الخارج: "إحنا أسفين ياخى، أيوة كان فيه حاجات تعبانة وظروفها صعبة ملحقناش نعملها، فيه أوض اتعملها تأهيل 4500 غرفة، الظرف سريع ومفيش دولة لاحقة تعمل حاجة كاملة، ليه مفيش حد في أمريكا قال أنت ليه موقف طابور أكل، ليه محدش قال في فرنسا أو بريطانيا، لكن متقالش غير عندنا، هو عاوز يستغل فرصة يقلبك، هو مش هامه المخدات والنزل، لكن همه أنه ينتقم ويمهد عشان هو داخل بالتقيلة".
تابع: "أقوله الأتقل جه زمان وأخدت على قفا أمك، وبقول للأمورة مش هسيبك وخلى بقى الراجل اللى مشغلك يسند، وزارة الصحة؟ دى الناس بتلم القرش على القرش في وزارة الصحة عشان تجيب للناس دواء"، مردفاً: "بقول للجزيرة موتوا بغيظكم".
