بالصور.. اعترافات قاتل شقيقته بمساعدة عمه وابنته فى الإسكندرية.. المتهم: غلطنا لما جوزناها راجل عجوز.. وحطت راسنا فى الوحل بمعاشرتها راجل تانى.. ويعترف: حطنالها منوم فى كوباية وكتمت أنفسها لحد ما ماتت

"إحنا معندناش فى الشرف ندم، ولو اتعدمنا هنفضل رافعين راسنا فى السما بعد ما دفنتها أختنا فى الوحل".. هكذا رد سعيد المتهم بقتل شقيقته فى الإسكندرية، بمساعده عمه وابنة عمه، بعد إلقاء القبض عليهم.

وقال المتهم: "صحيح إحنا غلطنا لما جوزناها راجل فى سن جدها، لكن نعمل ايه جواز البنات سترة، وهو اللى كان جاهز ويقدر يصرف عليها، وكانت دايماً تلومنا على ده مع إنها كانت عايشة أحسن عيشة ولابسة أحسن لبس" ويضيف المتهم: "زوجها كان دايما بيشتكى منها أنها كانت بتبات بره البيت وأوقات بتتأخر وتقوله إنها عندنا وإحنا مكناش نقدر ننكر ده، ولحد ما جالنا واحد وقالنا إنها عايشة مع واحد فى الحرام وبتصرف عليه من مال جوزها " ويكمل سعيد: "التار ولا العار يافندم.. خططت أنا وعمى وبنته واتفقنا إننا ننتقم لشرفنا، واشترينا منوم من الصيدلية ورحنالها زيارة فى بيت جوزها، وهناك بنت عمى حطتلها المنوم فى الكوباية، وانا كتمت نفسها لحد ما انقطع، وخدتها أنا وعمى فى التوك توك ورميناها فى الترعة " البداية عندما تلقى اللواء نادر جنيدى مساعد وزير الداخلية لأمن الإسكندرية، إخطاراً بشأن العثور على جثة سيدة مجهولة ملقاة بترعة إسكندرية بالطريق الدائرى دائرة قسم شرطة ثان الرمل، فى حالة تعفن ومتآكلة الوجه والأطراف ترتدى كامل ملابسها .

تم وضع خطة بحث شاملة لكشف غموض الحادث بالتنسيق مع فرع الأمن العام بالإسكندرية وتوصلت جهود فريق البحث من خلال فحص حالات الغياب إلى أن الجثة للمدعوة "سعدة .م" 45 سنة ربة منزل مقيمة دائرة قسم محرم بك والمبلغ بغيابها فى المحضر بتاريخ 8 أبريل الماضى عن بلاغ زوجها "بحر .ه" -70 سنة بالمعاش مقيم بذات العنوان.

بإجراء التحريات حول المجنى عليها تبين أنها سيئة السمعة والسلوك وتربطها بأحد الأشخاص علاقة غير شرعية، ما أثار حفيظة أهليتها للتخلص منها، وبتكثيف التحريات، توصلت جهود البحث إلى أن مرتكب الحادث كل من: شقيقها "سعيد .م" - 49 سنة بدون عمل مقيم دائرة قسم محرم بك، وعمها "ناجى. ا" - 80 سنة عامل زراعى مقيم كفر الدوار محافظة البحيرة، وابنة عمها "سحر .ف " - 36 سنة ربة منزل مقيمه دائرة قسم ثان الرمل، عقدوا العزم وبيتوا النية على قتل المجنى عليها والتخلص منها لسوء سلوكها، وعقب تقنين الإجراءات تم ضبطهم بمواجهتهم اعترفوا بارتكاب الواقعة بأن قامت المتهمة الثالثة بوضع مادة مخدرة فى كوب مياه غازية للمجنى عليها وعقب غيابها عن الوعى قام المتهم الأول بكتم أنفاسها حتى فارقت الحياة، وعقب ذلك قام المتهمان الأول والثانى بنقلها بواسطة مركبة توك توك "ملك الأول" لمكان العثور عليها وإلقائها بمياه الترعة وفرا هاربين .

تحرر المحضر أحوال قسم ثان الرمل وبالعرض على النيابة العامة قررت حبس المتهمين لمدة أربعة أيام احتياطياً على ذمة التحقيق.