قالت الإعلامية شريهان أبو الحسن، إن دراسة أمريكية تؤكد بإن 40% من الأزواج والزوجات يعتبرون الطرف التانى شخصا مزعجا.
وأضافت خلال برنامجها راجل و2 ستات المذاع على قناة on تقديم الفنانة هيدى كرم، والفنان أحمد صلاح حسنى، أن الشعور بالانزعاج من الطرف الثانى، يزداد مع زيادة عدد سنوات الزواج، و40% من الزوجات والأزواج يعتبرون الطرف الثانى مزعجا بالنسبة ليهم وتصرفاته تخرجهم عن شعورهم".
وتابعت: "ولكن نسبة الستات اللى بتعتبر أن زوجها شخص مزعج وصاحب تصرفات مستفزة أكثر من نسبة الرجال ولكن هذا لا يمنع وجود الحب بين الطرفين بالرغم من تصرفات الطرفين، والستات بيستفزوا أكتر من الرجالة، والسلوك الاستفزازى الرجالة أكثر بيتبنوه، وده ميمنعش أن الاتنين مكملين فى الزواج والحب".
وقالت الفنانة هيدى كرم: "الزوجة بتعمل حاجات كتير تستفز الراجل وبتكررها دايمًا، والطرفين فعلا بيستفزوا بعض ".
وأضافت خلال برنامجها راجل و2 ستات: "الست بتكرر استفزاز الراجل فى أكثر من حاجة منها انتهاك وقته الخاص ومساحته، والزن والأسئلة المتكررة، والشك، وتفتيش هاتف الزوج، وكل هذه المشاكل الراجل بيحس إن الست بتضايقه فيها".
وتابعت: "الراجل مخلوق مستقل أكثر من الست بكتير، والمساحة الشخصية لطيفة جدا للطرفين، والست بتستفز من الراجل ومنها، الاستماع الانتقائى لكلامها بيسمع لكلام وكلام لاء، والشخير وإلقاء الملابس على الأرض، وعدم المشاركة فى شغل البيت والإسراف المالى فى غير محله".
وقال الفنان أحمد صلاح حسنى، إن الراجل بيتعامل مع مراته على إنها أمه، معقبا : "الزوج بيتعامل مع زوجته كأنها أمه وبيبقى متوقع أنه هتعامله كأنها أمه".
وأضاف خلال برنامجها راجل و2 ستات: "فيه أم بتربى ابنها على مترميش دى واعمل ده وتعودهم على النظام، ولما بيتجوز بيبقى ده طبعه لو قلع التى شيرت بيحطه على جنب وبيبقى منظم، يعنى متجيش تربى ابنك على عدم نظام وتيجى انتى تقولى انه لازم يبقى زوجى منظم ولازم الأم تعلم ابنها التنظيم عشان يطلع مع مراته كده".
وعلقت الإعلامية شريهان أبو الحسن: "زوجك على ما تعوديه، وهو لازم يعرف أن ده غلط".