على طريقة فيلم "جاى فى السريع".. حكايات البنات مع "العريس الدوار".. منة: بنت أخته قالت لى أنتى أحلى من عروسة إمبارح.. شيماء: ماعجبتوش فخد الشيكولاتة وهو ماشى.. إيمان: طلب الرد بسرعة عشان يلحق يتصرف

"شاب يعمل بإحدى دول الخليج قرر البحث عن عروس والزواج منها خلال إجازة قصيرة يقضيها فى مصر، ليعود من جديد إلى عمله، ومن أجل الزواج يلتقى العديد من الفتيات فى هذه الفترة القصيرة جدًا أملاً فى العثور على العروس المنشودة"، هذه القصة التى تدور حولها أحداث فيلم "جاى فى السريع" الاجتماعى الكوميدى الذى أنتج عام 2005 تتكرر بصفة مستمرة لا سيما خلال شهور الإجازة الصيفية حتى أن الفتيات أصبحن يطلقن على هذا النوع من الرجال لقب "العريس الدوار" الذى يحمل فى إجازته الصيفية قائمة طويلة لعرائس محتملات اختارتهن والدته ويحاول الحصول على أفضلهن خلال الإجازة. هذه التجربة الغريبة التى تواجهها العديد من الفتيات تحفر فى ذاكرتهن العديد من المواقف التى تكون جارحة لحظة وقوعها أو محرجة على أقل تقدير ولكنها مع الوقت تتحول إلى ما يشبه "النكتة" التى تتداولها الفتاة مع صديقاتها ضاحكة. "منة: بنت أخته قالت لى أنتى أحلى من عروسة إمبارح" "مافيش حد طبعًا بيقول للعروسة إنه رايح يتقدم لعشرة غيرها بس أنا عرفت"، بهذه العبارة بدأت "منة" حديثها عن تجربتها مع "العريس الدوار" وأضافت: تقدم عن طريق صديقة لأمى وكنت رافضة للمبدأ، لكن أهلى أصروا أن أقابله كى لا نحرجها، وشكروا فى أسرته وفى أخلاقه فوافقت فى النهاية، ويوم المقابلة شعرت بقبول نحوه لكن قبل أن تنتهى الزيارة فوجئت بابنة أخته التى حضرت معه تقول لى "أنتى أحلى من العروسة بتاعة إمبارح"، وكان موقفا محرجا حاولوا تغيير الموضوع لكنى شعرت بإهانة ورفضت الموضوع بالكامل. "بسمة: بعرفهم من غير ما أشوفهم" "الحمد لله عمرى ما اتحطيت فى الموقف دا.. بعرفهم من غير ما أشوفهم"، بلهجة يشوبها الانتصار تحدثت "بسمة" عن تجربتها مع هذا النوع من العرسان، وأضافت "أنا بعرفهم من الأول مجرد ما يقولوا عريس بيشتغل برة مصر وجاى أجازة كام يوم بس بعرف وبرفض نهائى. أنا ما بعارضش جواز الصالونات بشوفه وسيلة للتعارف زى أى وسيلة بس ما بحبش الحكاية دى بحس إننا زى اللى بيقدموا على مناقصة وأحسن عرض هو اللى يكسب". "شيماء: ماعجبتوش فخد الشيكولاتة وهو ماشى" أما شيماء فمرت بالتجربة ولم تفهم أنها خاضتها إلا بعد فترة من الوقت وقالت: "أنا عديت بالموقف دا وما فهمتش غير بعدين وأنا بحكى لواحدة صاحبتى". وأوضحت: "كانت قعدة صالونات كالعادة وفوجئت بيه وهو ماشى بياخد الشيكولاتة اللى كان جايبها وحاططها قدامه، استغربت وقلت يمكن دى طريقة غير مباشرة يقول بيها إن مافيش نصيب، وبعد كده فهمت لما حكيت لصاحبتى إنه عمل كده عشان يتقدم بنفس الهدية فى بيت تانى. وفعلاً هو كان جاى عن طريق ناس معرفة عرفنا إنه خطب قبل ما يسافر". "إيمان: طلب الرد بسرعة عشان يلحق يتصرف" وفى تجربة "إيمان" كانت الأمور أكثر وضوحًا ولكن بعد المقابلة قالت: "كانت مقابلة صالونات عادية، تقدم من طرف صديق لعمى وانتهت المقابلة بسلام، لكننا فوجئنا به يستعجل الرد، وقال لهم بوضوح "أنا مستنى الرد ضرورى عشان ألحق اتصرف لو مش موافقة عندى مواعيد تانية".