من السوشيال ميديا للمحلات.. "انفراد" يرصد أسعار "الجاكيت الشتوى".. تبدأ من 300 وتتخطى الـ 1200 جنيه فى المهندسين.. و الحد الأقصى 900 فى وسط البلد والصوف بين 600 و700.. والباعة: "الدولار السبب والسوق ن

"محتاج حد أمين يدخل معايا شريك فى جاكيت شتوى" نداء ساخر تكرر على مواقع التواصل الاجتماعى مع عشرات التعليقات على ارتفاع أسعار الجاكيت الشتوى والتى قالت بعض التعليقات انها تخطت الـ 2000 جنيه. وهو ما دفع "انفراد" إلى القيام بجولة فى محلات الملابس بمنطقتى المهندسين ووسط البلد لرصد أسعار الجاكيت الشتوى. بدأت الجولة بمحلات الملابس فى المهندسين والتى بدأت فيها الأسعار من 300 جنيه للجاكيت "الووتر بروف" العادى حتى تخطت حاجز الـ 1200 جنيه فى بعض المحلات ذات الأسماء الشهيرة للجواكيت الصوفية المبطنة، أما "الجاكيت الووتر بروف" الطويل إلى الركبة فيتراوح سعره بين 500 و 670 جنيه مع بعض الإضافات من الفرو. وتعليقًا على وصول سعر جاكيت بالمحل إلى 1075 جنيه قال بائع بالمهندسين: "مقارنة بأسعار الأكل والشرب وأسعار كل حاجة كده الأسعار كويسة". "دى كولكشن السنة دى" كان هذا التبرير الثانى الذى قالته إحدى البائعات بمحل للملابس فى المهندسين وأوضحت "دا جديد وآخر موضة طبيعى سعره يكون عالى". أما فى محلات وسط البلد تحديدًا فى محلات شارعى 26 يوليو وقصر النيل فلم تقل الأسعار عن 300 جنيه أيضًا ولكنها لم تتخطى حاجز الـ 1000 جنيه وقالت إحدى البائعات بمحل فى شارع 26 يوليو "التركى هو اللى بيعدى الألف وإحنا ماجبناش تركى لأننا بالأسعار دى وخايفين جدًا لأن السوق واقف، ما حدش بيشترى". أما عن فارق السعر هذا العام عن العام الماضى فقالت "الزيادة تتراوح بين 100 لـ 150 على القطعة، والمصانع بتقولنا السبب زيادة سعر الدولار لأن حتى لو المصانع مصرية بتستورد القماش من برة". وقالت بائعة أخرى: الأسعار بتختلف حسب الخامة مثلاً الجاكيت "الووتر بروف" عندنا أسعاره تبدأ من 300 وممكن توصل لـ 900 لأنه جاكيت قطعتين ممكن لبس كل قطعة منفصلة، أما الصوف فيبدأ من 600 ولكن لا يزيد عن 700 جنيه. أما الجاكيت الرجالى فتبدأ أسعاره من 450 أو 550 فى محلات وسط البلد ويقول بائع: "الأسعار زادت تقريبًا 100 جنيه عن نفس الوقت السنة اللى فاتت، لأن كل حاجة غليت ولأن سعر الدولار رفع الأسعار".