قال ياسر سيد أحمد، محامى ضحية أمين الشرطة بالرحاب، إن الواقعة حدثت فى الصينية التى تقع قبل مدينة الرحاب، فى الطريق من منطقة التجمع الأول وليست منطقة الرحاب نفسها، مضيفًا أن القتيل يعمل "جناينى" وليس بائع شاى، مستطرداً: "أمين الشرطة كان متعود يلف على عمال الجناين اللى بيبعوا زهور وياخد منهم إتاوات".
وتابع خلال تصريحات إعلامية: "أمين الشرطة راح الصبح ياخد الإتاوة من الجناينى، قائلاً أنا عايز الشاى بتاعى، وعاوز علبة سجاير، فالجناينى قاله أنا لسه ما اصطبحتش ومعييش فلوس، فاختلفوا مع بعض، واحتد النقاش بينهما، مما دفع أمين الشرطة لقتل الجناينى".