هاجم محمد الحسينى، عضو مجلس النواب، الحكومة قائلا: "سانة سنانها على النواب وتعمل دائما على رد الفعل، ولا تمتلك خطة، وجميعهم يحملون ورقتين مفادهما القانون بيقول وأنا مبتكلمش علشان كلامى هيزعلها".
وطالب الحسينى، خلال كلمته اليوم، الثلاثاء، بالاجتماع المشترك بين لجنتى الزراعة والإدارة المحلية لمناقشة مشروع قانون يسمح بزارعة الأرز فى الوادى الجديد بالاعتماد على المياه الجوفية، الحكومة بضرورة تغيير القانون الحالى الذى يمنع زراعة الأرز بالاعتماد على المياه الجوفية للحفاظ على الكمية الموجودة من المياه قائلا: "هنزرع أرز علشان الناس الغلابة، وإحنا مبنخفش غير من ربنا وامنعوا زراعة محصول البرسيم الحجازى علشان مش محتاجينه، ولا احنا هنعمله عصير قصب يعنى، ولازم تغيروا أم القانون الموجود، وأنا لما بشوف فشل الحكومة بصر على تغييرها".
وتابع: "الحكومة قاعدين فى التكييف ومش حاسين بحاجة ولا بالناس الغلابة لازم نغير القانون ونعتبره زى كل القوانين اللى بنغيرها كل يوم والتانى وبتيجى على المواطن الغلبان، وطالب بضرورة استدعاء الوزراء المختصين فى اللجنة لسماع رأيهم فى هذا الموضوع".