لم يكن يتخيل يوماَ أنه سيجئ اليوم عليه الذى سيصبح حديث الساعة خلال شهر رمضان، ويصبح مادة اخبارية أو هزلية تتناولها وسائل الإعلام، مثلما حدث مع "أسامة.ع"، الصادر ضده قرار من نيابة حدائق القبة برئاسة المستشار عبد الرحمن شتلة، بإحالته للمحاكمة الجنائية العاجلة، لوقوفه عاريا ببلكونة شقته فى نهار رمضان بتهمة ارتكاب فعل فاضح فى الطريق العام.
واستمع محمد أنور وكيل أول نيابة حدائق القبة، الى عدد من المجنى عليهم من جيران المتهم، حيث أكدت السيدة "أ.م"، ربة منزل، "الشاب ده عاطل ومن فترة طويلة وهو بيقف فى بلكونة الشقة يعاكس اللى رايحه واللى جيه، وبعد كده لما ملقاش حد يرده عن اللى بيقوم بيه، تمدى وبقى يظهر فى بداية الأمر بفلنة بحملات وشورت، والحاجات دى كانت بتمنعنا إننا نظهر فى بلكونة الشقة أو حتى نفتح الشبابيك".
وأضافت المجنى عليها: "والأيام اللى فاتت بدأ الولد يظهر عارى ومش لابس غير الشورت، ومعظم الجيران بدأت تشتكى من الشئ المقزز ده، وكلنا كلمنا أزواجنا عشان يشتكوا لأهلية الشاب، وبالفعل زوجى راح واشتكى لأهله، وقالهم على الوقائع اللى بتحصل، والمعاكسات اللى بتصدر من الشاب لستات المنطقة" .
وأشارت المجنى عليها: "والكلام ده حصل أكتر من مرة قبل شهر رمضان، وكل مرة كان أهلية الشاب بيتعذروا ولما الموضوع زاد عن حده، فهمناهم اللى الكلام ده لو حصل تانى، هنحرر محاضر ضده، ولكن لا حياة لمن تنادى، وبالفعل أجمعنا إحنا و5 سيدات من الجيران، ورحنا حررنا محاضر وقدمنا بلاغات ضده".
من ناحية أخرى، كشفت التحقيقات التى أشرف عليها المستشار إبراهيم صالح، المحامى العام الأول، أن المتهم أنكر التهمة الوحيدة الموجه اليه، وهى ارتكاب فعل فاضح فى الطريق العام، حيث ردد قائلاَ: "اللى حصل إنى أحياناَ بخرج فى البلكونة بالفنلة الحملات والشورت، لإن الجو بيكون حر جداَ والواحد مش طايق نفسه، وأنا حر وجوه بيتى، لكن مسألى إنى بقف عريان فى بلكونة الشقة محصلش و ده كذب".
وأضاف المتهم: "أنا معروف فى المنطقة طول عمرى، وعمرى ما اقدمت على معاكسة واحده من الجيران، واحنا منطقة شعبية والحاجات دى مرفوضة عندنا جملة وتفصيلاَ، وأنا مش فاهم الجيران اتهمونى الاتهام ده ليه".
من جانبه، حدد المستشار عبد الرحمن شتلة، رئيس نيابة حدائق القبة، جلسة 15 يونيو المقبل الموافق يوم الأربعاء، كأولى جلسات محاكمة الشاب لوقوفه عاريا ببلكونة شقته فى نهار رمضان بتهمة ارتكاب فعل فاضح فى الطريق العام.