كشف الدكتور محمد أباظة رئيس فرع جامعة الإسكندرية بمطروح، اليوم السبت، عن ارتفاع نسبة تعليم الفتيات بكليات الفرع من أبناء مطروح إلى 85 %، وقال: ولدينا 17 معيدة ومعيد واحد من أبناء مطروح.
جاء ذلك خلال كلمة أباظة فى حضور الدكتور أشرف الشيحى وزير التعليم العالى، واللواء علاء أبو زيد محافظ مطروح، والدكتور رشدى زهران رئيس جامعة الإسكندرية، خلال تفقدهم لإنشاءات جامعة مرسى مطروح.
وقال " أباظة": بدأنا فى عام 2005 بكلية الزراعة الصحراوية، فى عهد الدكتور هانى هلال وزير التعليم العالى الأسبق، وقلنا هناخد طلاب كلية الزراعة بالإسكندرية ونجيبهم هنا، وكانوا بالضبط 37 طالبا، فيهم 3 بنات والباقى أولاد، والحمد لله رب العالمين بالتقدم وبمساعدتكم معانا، 85 % من طلاب جامعة إسكندرية فرع مطروح من الطالبات، والباقى من الطلبة، وعندى 17 معيدا من أبناء مطروح، هم 16 أنثى وذكر واحد، وهو مش عدل، ولكن إحنا بالنسبة لنا كدراسة اجتماعية بنقول إن الثقافة تغيرت وإن بنت مطروح اللى كان أهلها يخافوا يودوها إسكندرية علشان تتعلم بقى لها مكان موجود عندنا هنا ودا طبعاً بفضل القيادات "، فيما رد عليه وزير التعليم العالى "لا هو عدل " ، و جارى "أباظة" الوزير قائلا "وعدل برضه لأنهم شاطرين".