قال أحمد حسام ميدو، المدير الفنى السابق لنادى الزمالك، إن مرتضى منصور، رئيس النادى، حاول كثيرًا منع إذاعة حلقته مع الإعلامى عمرو أديب.
وأضاف ميدو فى حواره مع أديب، ببرنامج "القاهرة اليوم" على فضائية "اليوم": "هو بعت ناس كتير عشان يشوشوا على الحلقة، بس أراهن إنه بيتفرج عليّا"، ملوحًا بيده فى الهواء "هاى".
وأوضح ميدو: "مرتضى منصور اتحايل عليّا لتدريب الزمالك خلال عملى مديرًا فنيا فى الإسماعيلى، وهتشوف هدرب فين لأن الناس تعلم مدى إخلاصى، ولما كنت باجى سكران جبتنى تانى ليه؟!.. أنت شفت خرابات كتير، بس مفيش خرابات فى أوروبا..أنت ماروحتش أوروبا".
وأشار ميدو إلى أن مرتضى منصور، طالبه فى مباراة سموحة بعدم إشراك محمد إبراهيم، وخلال المباراة، قال له مرتضى: "آخر يوم ليك فى الزمالك النهارده" مضيفًا: "حاجة مش موجودة فى أى مكان فى العالم، بيحاسبك بالحتة!.. يا مرتضى أنت مش بتفهم فى الكورة، أنت مش رياضى، ومكاليش مدرب جيد سيبه يشتغل لوحده".