قال أمير مرتضى منصور، نجل رئيس نادى الزمالك، أن لاعب الفريق أحمد حمودى لديه كل مقومات قيادة الزمالك خلال السنوات القادمة، طالبا من الجماهير البيضاء إظهار حبه ودعمه له لأنه تألق بشكل كبير من النادى.
وكتب "مرتضى" عبر حسابه على انستجرام: "شخصياً شايف إن حمودى أكتر لاعب متكامل فى مصر، لاعب مهارى وتكتيكى وملتزم ومحترم بره وجوه الملعب، سنه صغير وعنده كل مقومات قيادة الزمالك السنين الجايه، حمودى لم يقدم ١٠٪ من اللى عنده رغم عدم مشاركته أساسى وعدم حصوله على فرصة بشكل كامل، إلا أنه تألق مع الزمالك فى أوقات كتير".
وأضاف مرتضى: "أنا هطلب من الزمالكاوية يظهروا لحمودى حبهم واحترامهم ليه علشان يمكن يكون ميعرفش الجمهور بيحبه ويحترمه قد إيه، لأن فعلاً هو لاعب محترم وإحنا محتاجين النوع ده من اللاعيبه، حمودى فى الزمالك".
