كشف محمد إبراهيم لاعب الزمالك، عن موقف سابق حدث معه فى شهر رمضان، ولا يستطيع نسيانه حتى الآن، كما كشف صانع ألعاب المارد الأبيض سر عشقه لارتداء الـ"جلابية".
قال محمد إبراهيم خلال تصريحاته لبرنامج "الملاعب اليوم": "الحاجة اللى عمرى ما أنساها، عندما كنا فى كأس العالم فى كولومبيا، وكنا بنلعب ماتش الأرجنتين الذى انتهى 2/1 للأرجنتين، وكان فى ضربة جزاء علينا وأحمد الشناوى واقف وبياكل "لبانة" فالناس ماسبتناش بعدها، وكان محمد صلاح معانا فى نفس المباراة.. لكن إحنا بنسأل وعارفين إن فى رخصة للإفطار فى المواقف اللى زى دى".
وأضاف صانع ألعاب الزمالك: "أنا عاشق للبس الجلابية، وحتى الآن بلبس السروال والجلابية والشبشب وبسافر بيهم البلاد فى البحيرة، وباجى بيها القاهرة، ومش شايف فيها مشكلة وشرف لى أنى أكون فلاح زى أبويا وألبس الجلابية".