ربنا ما يحرمنيش منك يا مجننى.. كارمن سليمان تحتفل بعيد الميلاد الأول لطفلها زين

احتفلت المطربة الشابة كارمن سليمان، وزوجها الملحن مصطفى جاد، بعيد ميلاد ابنهما "زين" الأول، حيث عبرا عن سعادتهما بوجوده فى حياتهما، وأنه كان سبباً فى حصولهما على السعادة والمتعة فى العام الماضى. كارمن سليمان، شاركت صورة لها مع طفلها زين، وعلقت بقولها: "السنة اللى عدت دى كانت من أحلى سنين حياتى عشان كنت معايا فيها بحبك و ربنا يخليك ليا و مايحرمنيش منك أبداً يا مجننى زى ما انتوا شايفين فى الصورة، زوزى بقى عنده سنة". كما شاركت كارمن سليمان، عدة صور مع ابنها "زين" من احتفالتها معه بالكريسماس، حيث ظهر زين مرتدياً زى بابا نويل مع والدته. أما الملحن مصطفى جاد، فقد احتفل بعيد الميلاد الأول لابنه زين قائلاً: "من سنة بالظبط ربنا رزقنى أحلى هدية في حياتى، زين ابنى و من يوم ما شيلته بين إيديا و حياتى كلها اتغيرت و نظرتى للدنيا و للشغل و لكل حاجه اتغيرت بفضله هو و أمه حبيبة قلبى و روحى كارمن، ربنا يخليك لينا و يجعلك سند و يحفظك اللهم آمين".