ليلى علوى: شكرا لدعوة مهرجان طرابلس اللى خلتنى أزورها لأول مرة

شاركت النجمة ليلى علوى فى مهرجان "طرابلس"، حيث التقت العديد من المتخصصين فى السينما وبعض الشباب المخرجين، ومن يقومون بدراسة السينما والإخراج. ونشرت ليلى علوى مجموعة من الصور عبر حسابها، من الزيارة وعلقت: "أنا بحب لبنان شكراً لدعوة مهرجان طرابلس اللي خلانى أزورها لأول مرة.. من قلبى بشكر أهلها الناس الحقيقيين الطيبين اللى كلهم وهج وطيبة وأحلى حاجة إنك تشوف ناس فيهم كل الحب ده.. واستمتعت بالزيارة اللى نظمتها إدارة المهرجان لقلعة طرابلس والسوق القديم وحمام عز الدين الأثرى.. وبحيى المهرجان على الندوة اللى كان عاملها والمناقشات وإعطاء الفرص لمشاريع السيناريو واليوم كله خصوصاً الشباب المحبين للسينما واللى بيدرسوا كانوا عاملين ورش مهمة جداً اشتركت فى واحدة منهم مع المخرج غسان قطيط، المصور السينمائي باسم فياض والكاتب والمخرج سيمون الهبر". وتابعت: "والتقيت المخرجين الشباب اللى بيدرسوا واللى عندهم أسئلة كتيرة، وبحيى جداً إلياس خلاط المجاهد وكل العاملين بالمهرجان واهتمامهم بتوصيل الثقافة والفن والإبداع لأهل وشباب طرابلس".