أصدرت دار الفراعنة حديثًا رواية جديدة بعنوان "طبيب وخمس نساء" للكاتب أحمد الملا، وذلك ضمن منشورات معرض القاهرة الدولى للكتاب لعام 2019.
يكشف لنا أحمد الملا، فى روايته، عن العديد من الأحداث الدرامية، من خلال الدكتور عاصم، وهو طبيب نفسى، وحكاياته مع خمس نساء من المحيطين به، فى رواية مشوقة تجمع ما بين الاجتماعية والرومانسية والتراجيدية والكوميدية، لتنتهى الأحداث بمفاجأة غير متوقعة.
ومن أجواء الرواية: "كل واحد كان بيدخل هنا كنت بسأله نفس السؤال.. لو قلتلك إن الإحصائيات الرسمية فى مصر بتقول إن 1٪ من سكان مصر بيترددوا على العيادات النفسية ممكن تفسر ده بإيه؟.. فيه اللى قال إن ده مؤشر على إن الصحة النفسية فى مصر كويسة.. واللى قالت إن ده معناه إنه فيه مليون مريض نفسى فى مصر.. واللى اتفلسف وقال إن ده رقم مش صحيح نظرًا لصعوبة الإحصاء.. إلا أنتى.. جاوبتى الإجابة النموذجية اللى فى دماغى بالظبط.
أحسست بالزهو والفخر حينما قالها وتذكرت إجابتى جيدا وقلت:
- أيوه أنا فاكرة إنى قولت لحضرتك إنه ده معناه إن 99٪ من باقى السكان لسه ميعرفوش إنهم مرضى نفسيين.
- بالظبط كده".
يذكر أن أحمد الملا كاتب ومدون، له العديد من المؤلفات على منصات التدوين الحر بالوطن العربى، أبرزها منصة رقيم، كما أنه ألف العديد من القصص والمقالات والاسكتشات المسرحية، وتعد رواية «طبيب وخمس نساء» أول أعماله الروائية.