الشعر والسوشيال ميديا بمعرض "تسجيل دخول" بدرب 1718

قال الفنان مدحت بنزهير، صاحب مشروع "italk" الذى أقيم بدرب 1718، تأتى فكرة المشروع الفنى من أن هناك أناسا لا يستطيعون المشاركة فى الحياة الطبيعية، لكنهم بارعون فى استخدام وسائل التواصل الاجتماعى.

وأشار بنزهير إلى استخدم "كيو آر كود" حيث إنه منتشر فى المنتجات التجارية، أنه صور 10 شخصيات و على فم كل واحد منهم "كود" إذا تم تمرير الهاتف عليه ستظهر لك صورة شخص وهو يتكلم ويعبر عن رأيه و كيف استفاد من وسائل التواصل الاجتماعى وكيف أضرت به.

وأوضح "مدحت" فى تصريحات خاصة لـ"انفراد" أنه صور أشخاصا غير معروفين ومختلفين فى النوع و الجنسية والأعمار.

وشارك المعرض نفسه الشاعر أمين حداد بقصيدة سبق ونشرها على صفحته الخاصة بموقع التواصل الاجتماعى.

وأوضح "حداد" أن الشعر استخدم مصطلحات الـ"سوشيال ميديا" للتعبير عن الأحداث الشبابية التى تحدث فى مواقع التواصل الاجتماعى فيس بوك.

وأضاف الشاعر أن القائمين على معرض "تسجيل خروج" هم من طلبوا عرض قصيدته على حائط المعرض لأنه يتناسب مع موضوعاتهم.

وكلمات القصيدة :- الناس اللى مبالغة فى شرح طقوسها اليومية وبيقدسوا قهوتهم ويمجدوا وحدتهم ويصوروا رجليهم وإيديهم ولما بيتشاتوا .. صوابعهم تبقى لسانهم وودانهم تبقى عينيهم وحياتهم فى شاشاتهم ويأبديتوا ستيتساتهم .. كل دقيقتين الناس اللى بتعمل صايعة واللى كأنها ضايعة ومش عارفة الليلة حنسهر فين الناس اللى فى أى مناقشة لا يمكن تقهر وهزائمهم لا تذكر ومناقشاتهم بتزود أعداد الفولوورز فى الأسبوع ألفين الناس اللى افترضت إن الوهم حيبقى فضاءها والناس اللى بتشتم بالأم وأعضاءها واللى اختصروا التعبير والإحساس وبيضحكوا وبيزعلوا وبيغمزوا بالأقواس الناس اللى بتسمع كل أغانى الدنيا من سيد درويش لسعاد ماسى والناس اللى اختارت فى الفن الناس اللى الناس رفضوهم وماعجبهمش سياسى وما عجبهمش أبوهم واللى فى أى رواية بيتندهوا وبيكرهوا أو بيحبوا باولو كويلهو وبيقروا كمان كونديرا وماركيز الناس دى ولاد وبنات عواجيز أطفال أو أطفال عواجيز الناس دى - لا مؤاخذة – انت واحد منهم وانا واحد منهم وكمان واحد من أهاليهم والناس دى - كده بالإحساس بكرة حيخرجوا للدنيا وأحسن ناس