قام الكاتب عمر طاهر بمهاجمة مشترى الكتب المزورة، على صفحتة الشخصية بمواقع التواصل الاجتماعى "فيس بوك"، ورفض رفضا تاما من يبرر لنفسه ذلك بحجة أن أسعار الكتب مرتفعة، مما دعا عمر طاهر بوضع ذلك التبرير فى نفس خانة من يبرر من يقوم بالسرقة بحجة أن الحياة صعبة.
وجاء نص المنشور الذى قام عمر طاهر بنشرة على صفحتة "تبرير شراء كتاب مزور علشان الكتب غالية هو مبرر أى حد سرق علشان يعيش أو انحرف عشان الحياة صعبة، الكتاب الأصلى بيصرف على مصمم أغلفة و مراجع لغة و عامل مطبعة و سواق نقل و محاسب و بياع و صاحب مكتبة و ناشر و موزع و تاجر ورق و أخيرا كاتب.. أنت ب تختزل كل ده ف مزور عنده مطبعة .. انت شريكه ف السرقة.
كما قدم الكاتب عمر طاهر الحل لمن يقتنى الكتب المزورة قائلا: قاطع الكتب لو غالية .. قاطع المؤلفين و دور النشر .. لكن هتسرق مجهود الناس؟ يبقى أنت ما تعلمتش حاجة من القراءة أصلا ولا فرقت معاك بشلن و تبريراتك بجاحة أو جهل على أقل تقدير.
واختتم طاهر رسالته، الواحد ككاتب كان بيتسامح مع الموضوع بس بعد ما بقى خراب بيوت لدور نشر و مكتبات .. بقى واجب على كل واحد يأخد باله .
