جمال بخيت يكتب: مقسوم

مقسوم.. والليل شايل لى التوهة ف ظلامه مهموم.. والعمر ناسى يحب أيامه أوهام ما بتنتهيش فين الأمان؟؟ ما فيش.. أنا باحلم ف الحقيقة وفى الأحلام باعيش ما اخترتش مين حبيبى ما اخترتش مين عدوى ما اخترتش اتجاهى مكتوب لى عدد سنينى مولود ومعايا دينى وما اخترتش إلهى مولود من غير رضايا متحدد خط سيرى احلم بطريق هنايا يطلع مخلوق لغيرى لغتى ما اخترتهاش لونى ما اخترتهوش انام وانا م الضحايا واصبح وانا م الوحوش ما اخترتش مين حبيبى ما اخترتش مين عدوى ما اخترتش اتجاهى مكتوب لى عدد سنينى مولود ومعايا دينى وما اخترتش إلهى