كريم حول الاسكوتر لمطعم متنقل بالإسكندرية.. بينشر الضحكة بالساندويتشات

إذا مررت بكوبرى ستانلى بمحافظة الإسكندرية لمشاهدة غروب الشمس والاستمتاع بالهواء النقى والدردشة مع أحد الأصدقاء، قد يلفت نظرك شاب واقف بجوار "اسكوتر"، مفروش عليه مجموعة من الأطعمة سواء تونة وجبن وقطع لانشون مختلفة النكهات وشيكولاتة وغيرها، بجانب خبز" الفينو"، مع صندوق مدون عليه كلمة "ضحكة" بالإيطالى، ليستقبلك بابتسامة ومعاملة جيدة جعلته حديث السوشيال ميديا التى راحت تروج له . ويتحدث كريم محمد البالغ من العمر 32 عاماً والحاصل على ليسانس آداب فلسفة، عن مشروعه الصغير لـ" انفراد"، قائلاً :"أنا بشتغل فى مجال التسويق العقارى، وفكرت فى عمل المشروع عبارة عن بيع ساندويتشات وده بعد أجازة طويلة من الشغل، فأخدت "اسكوتر" ابن عمى عشان ألف بيه أماكن التجمعات فى اسكندرية، وخالى عملى صندوق صغير، بيتحول لترابيزة، ولونته خطيبتى عشان أقدر أبيع عليه الساندويتشات". وتابع :"اشتريت البضاعة بدعم من أهلى وصحابى، ونزلت أبيع الساندويتشات، والحمد لله لقيت إقبال من الناس، يرزق من يشاء بغير حساب فعلاً، وده شجعنى إنى استمر فى الشغل ده على طول". وعن المشاكل التى تواجه كريم خلال عمله بالشارع، قال :"لا الحمد لله مفيش مشاكل بتقابلنى فى الشارع لحد دلوقتى، والناس بتحبنى وبتشجعنى". وأشار كريم إلى إنه يبيع ساندويتشات جبن وتونة وغيرها، والتى يجهزها بالمنزل مضيفاًأن الساندويتشات باردة، وذلك لعدم إمكانية تسخينها بالشارع. وعن سبب كتابته لكلمة "ريزاتا"، والتى تعنى ضحكة باللغة الإيطالية، مع كتابة شعار "بطنى بتضحك"على الصندوق، قال :"اخترت أكتب كلمة ضحكة بالإيطالى، عشان بحب اللغة الإيطالية، وعشان كمان أنا مؤمن بأن الضحكة، أسهل طريقة للوصول لقلوب الناس".