إزاى تشترى صح من الأوكازيون الشتوى؟.. دليلك للاستغلال الأمثل للتخفيضات

تنتظر الكثير من الفتيات موسم الأوكازيون الشتوى حتى يشبعن رغبتهن فى عمل جولة تسوق مفتوحة دون قيود الميزانية أو القلق من الأسعار، خاصة إذا كانت عروسا تستغل الفرصة لشراء ما ينقصها من ملابس للجهاز، لكن كثيرًا ما يرتكبن بعض الأخطاء التى تجعلهن لا يستفدن بشكل مثالى من الأوكازيون، لذا يستعرض "انفراد" مع الاستايليست مصطفى الشافعى الخطوات والطريقة المثالية للتمتع بالأوكازيون الشتوى وشراء كل ما تحبينه بسعر أقل واستغلال امثل لعروض التخفيضات. تشترى إيه فى الأوكازيون؟ معبداية الأوكازيون الشتوى تتصارع الفتيات لشراء أكبر كم من القطع التى تحتاجها أو لا تحتاجها، فقال الشافعى إن تسارع الفتيات على شراء موضة العام خلال الأوكازيون يعتبر من الأخطاء الكبيرة التى تقع فيها غالبيتهن، وأوضح: "تضطر البنت أن تشترى من عروض الخصومات ملابس لموضة العام نفسه، فتلبس بعض موديلات العام اللى نزلت فيه موضة السنة، واللى أغلبها بتبقى ملابس (تريندي)، فبكدة بتكون لابسة ملابس قديمة وموضة راح عليها". وعن الملابس التى من المفروض أن تشتريها الفتاة فى عروض الأوكازيون قال الشافعى: "تشترى الملابس البيزك، الأساسية اللى تنفع تتلبس فى أى وقت وملهاش علاقة بالموضة، وتبعد عن الملابس اللى بترتبط بموضة السنة لأنها هتظهر وكأنها لابسة ملابس قديمة أو نفس استايل الموضة بتاع السنة اللى قبلها"، وتابع من الأفضل فى الشراء وقت الأوكازيون هو اختيار القطع السادة، والتى لا تحتوى على الكثير من الألوان. إزاى أعرف أن الأسعار فيها خصم ولا لأ؟ إزاى تستفيد من عروض الأوكازيون الشتوى 2021 وتتجنب الغش؟سؤال يشغل الكثيرين فى فترة الأوكازيون، فالمحلات الشهيرة غالبًا ما تجهز جزءا مخصصا للقطع التى يقع عليها الخصومات، وبشكل أساسى يكتب السعر بعد الخصم بجانب السعر الأصلى للقطعة، وتابع الشافعى: "لو الكارت اللى مكتوب عليه السعر مقصوص ومحطوط بس السعر بعد الخصم اعرفى على طول أن الخصم ده مش صح وأنه غالباً مش خاصمين من سعره شىء". متتخدعوش بعرض اشترى قطعة وخذ اثنين هدية: معظم العروض فى الأوكازيون الشتوى تحتوى على عرض اشترى قطعة واحصل على الثانية مجاناً، وأحياناً تصل لشراء قطعة تأخذ عليها قطعتين بنفس السعر، ويقول الشافعى إن هذه العروض يجب التركيز فيها جداً، وأوضح أن هذه الطريقة يكون لها هدف من اثنين، إما المكسب الكبير أو التخلص من قطع لا يستطيع المحل بيعها قائلاً: "فى الغالب المحل بيكون رافع سعر القطعة الأولى بشكل كبير، وبيحط لك القطعة الثانية كهدية، لكن لو بحسبة بسيطة هتلاقى نفسك دافعة فلوسها من قيمة وسعر القطعة الأساسية اللى ثمنها عالى لكن جذبك الخصم". وأردف: "السبب الثاني للعروض خذ قطعة والثانية مجاناً هو أن صاحب المحل عنده قطع مش عارف يبيعها وعاوز يتخلص منهم فى السيزيون وفى نفس الوقت يبيع بشكل كبير، فبينزل عرض القطعة وخذ الثانية هدية عشان يزود حركة البيع ويتخلص من اللى مش عارفة يبيعه عنده". اشترى إزاى جوه المحل؟ وقبل البدء فى التسوق واستغلال عروض الأوكازيون ينصح الشافعى بتحديد القطع التى تريدين شراءها، والتركيز على السعر أن يكون صحيحا وحاصل عليه خصم فعلى، والتأكد من جودة الأقمشة وسلامة القطعة قبل الخروج من المحل بها، حيث أوضح الشافعي أن في بعض المحلات يعرضون القطع التي تحتوي علي عيوب صناعة أو تخزين وبيعها داخل العرض ويمنع بعدها الاسترجاع او الاستبدال. متخليش السعر يخدعك: وحذر الشافعي من المنتجات المعروضة تحت شعار أنه يبدأ سعرها من مبلغ زهيد، فقال الشافعي: "في الغالب بيكون المعروض أسعار غالية جداً لكن أصحاب المحلات وضعينها بجانب منتج رخيص وكاتبين أن الأسعار بتبدأ من المبلغ الزهيد". وتابع: "أقدر ادخل اشترى لما الاقى المحل كاتب أن السعر موحد، وقتها بتأكد أن الخصم مظبوط وحقيقى، متخليش الأسعار تخدعك". أوعى تشترى حاجة مش عجباكى عشان سعرها حلو من الأخطاء الكبيرة التي تقع فيها غالبية الفتيات هو شراء قطع لا تحتاج لها مقابل أن سعرها زهيد، فقال الشافعي: "العروض القوية بتكون على القطع اللي مش بتتباع بسرعة، وبيكون أصحاب البراندات عارفين ده وعارفين برضه تفكيرك". وتابع: "أوعى تشترى حاجة مش عجباكى عشان سعرها حلو وشايفة أنها لقطة لأن فى الغالب هتتصدمى إنها مش ذوقك وإنك اتسرعتي في شرائها حتى وإن كانت رخيصة".