محمد البدراوى يكتب: لسة فاكرة

لسه فاكره تكلمينى كنتى فين من زمان إبعدى عنى وسبينى ما خلاص فات الأوان واللى كان بينك وبينى جوه قلبى ملوش مكان واللى كنتى بتعشقيه عاش فى دنيا حبيبته فيها قصدى اللى كنتى بتوهميه دلوقتى قلبه وروحه فيها جايه ليه جايه تشكى الهم ليه جايه تانى بعد إيه إنتى ناسيه عملتى إيه ولا ناسيه اللى أنتى فيه بصى لنفسك فى المراية إسأليها هربتى ليه إسأليها إيه الحكاية وليه ظلمتى حبيبى ليه ليه حياتك م البداية عشتيها ف كذبة عليه ردى قولى جايه ليه جواكى غرور وعناد وحقد عمال فى ازدياد الحب عندك بالمزاد والطمع من غير ميعاد لو جاية تانى للسداد أقفى يلا يومين حداد قلبى مات مش حتنوليه ردى قولى جايه ليه كنت فاكر حبى ليكى يقدر يغير كله فيكى يقدر يكون قدام عنيكى حب غالى ملوش تمن كنت فاكره يعيش لبكرا ونعيش معاه أحلى ذكرى كنت بستناله فكره تسعد حياتنا طول الزمن بس الحقيقة كان خيال كان وهم كان وكذب ذال ومفيش مجال للسؤال انقطعت كل الحبال واتغيرت وصدق اللى قال تغيير الحال من المحال واللى يدور يا ناس ع المال يخسر قلبه باللى فيه ردى قولى جايه ليه روحى لحالك يلا تانى انسى اسمى وانسى مكانى انسى شكلى وروحى يلا قلبى وحياتى لحد تانى حد فكر بس فيا حد ضحى كتير عشانى لما شفته قدام عينيه قلبى راح وياه ما جانى حد حاله زى حالى الله وحده ليه هدانى يعنى م الآخر ده عمرى وكل شىء جوايا ليه ردى قولى جايه ليه جايه ليه