هادى سليم يكتب: في سكون الليل

في سكون الليل وبرد الليل وشكل المطر وبرق ورعد بيهزو السما والقمر وشكل سريري ودموعي في ليالي السهر ومين من اهلي حس بأني عكس الحجر انا غريب بنكم .. والغربة مش شرط بسفر كل اوجاعي وجراحي بين كتابة شعر وبسأل نفسي ليه دايما بحب البحر يمكن عشان سامع جراحي وكل القهر كارهه الحياة وبحب دايما ضلمتي وفي وجودك يا بحر مين مجاش يشتكي بحلم . بحلم. والحلم . دايما يختفي لكن وجوده أهون كتير من وحدتي في سكون الليل انا شوفت كل الناس في محنتي عارفه بأن الليل شايل هموم غيري عارفة بأن السما شايلة دموع عيني عايش بقلب جبان خايف ينجرح تاني رافض يكون مزلول والفرح ليه غالي شايل سواد في عنيك محتاج هوي طيري انا لسه قلبي برئ محتاج يكونله حبيب محتاج دفا وحنان ..محتاج يكونله طبيب محتاج لحضن يضم من غير سبب كذاب اصحي تملي الصبح من غير وجع متساب انسي سكون الليل وسريري ودموعي واحلم بحلم يطول في قلبي وضلوعي احلم بحلم حقيقي مركون بقاله كتير واعيش انا وحبيبي بالحب والتقدير وافرح بشكل المطر وخروجه قبل الصيف واضحك بصوت مهزوز من كتر مانا خايف يضيع الفرح مني وارجع حزين شايف كل البشر متساب .. وانا في وسطهم سايب ارفض اكون مركون علي الرف قبل الارض ارفض اكونله طريق مش مستقيم الخط ارفض اعيش مزلول بكتابة فوق السطر احزن وحزني يطول من غير كلام علي الشط افرح بوحدة تدووم من غير وجع مكبوت ارجع لحضن الليل وكلامه المكتوب وادعي دايما بالعوض من ربنا العالي يبعتلي حد يصون ويكون طبيب غالي في سكون الليل وبرد الليل انا بدعي من تاني في سكون الليل