صحافة المواطن.. قارئة تشكو من كم المناهج فى المرحلة الابتدائية على ابنتها

أرسلت إحدى القارئات شكوى، لخدمة "صحافة المواطن" بانفراد، من عدم تناسب المناهج الدراسية مع أعمار الأطفال فى المرحلة الابتدائية، إذ تروى القارئة أن الكم المطلوب كبير جداً، وأن ابنتها فى الصف السادس الابتدائى، ولا يتناسب ذلك مع هذه المرحلة العمرية ووقت الفصل الدراسى القصير.

وقالت القارئة "أنا ولى أمر لطالبة فى الصف السادس الابتدائى، أرجوكم المناهج لا تتناسب مع هذه المرحلة من العمر، وتدمير لأولادنا وقتل لطفولتهم والكم كبير جدا على فترة الدراسة، أرجو تقليل المناهج، وأرجوكم توصيل صوتنا لكل المسئولين شوفوا الكتب والكم مع الوقت المتبقى".

وأضافت "أنا بنتى عندها E عربى سينس ودراسات ودين وماس وده غير الهاى لافيل، لأنها لغات حضرتك ممكن تشوف كتاب الدراسات كارثة، والتاريخ وحدتين كل وحدة 4 دروس غير الجغرافيا وحدتين، والعربى أربع فصول قصة بكم فظيع بالمعانى والمضادات والجمع، وكتاب العربى 14 درسا بالمعانى أيضا ومضادات وجمع، غير بقى النحو 7 دروس نحو والماس 4 يونت كل يونت ممكن يوصل 6 دروس غير السينس والدين وقصة الدين 5 فصول بالله عليكم أى عقل طفل عنده 10سنين يستوعب كل هذا الكم فى شهرين وأسبوعين".

وتابعت "والله بنتى بتنام على الكتب وهى بتعمل الهوم ورك وتقولى عايزة أخلص وأحرق الكتب منهم لله، إحنا كنا زمان بنحب التعليم وننتظر أول يوم مدرسة علشان كانت المناهج سهلة وعلى قدر قدراتنا العقلية، بجد أنا عايزة حضرتك بس تلقى نظرة على دروس التاريخ والله كارثة من أول محمد على لحد تولية الريس السيسى كل الثوارات عليهم بجد أنا مش عارفة ازى هيدرسوه فى الوقت البسيط ده حرام".

شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب انفراد " برقم 01280003799، أو عبر البريد الإلكترونى [email protected]، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.