محمد البدراوى يكتب: حاسس إنى غريب

حاسس إنى غريب فى الدنيا مليش حبيب بستنى نهارى يطلع والشمس لما تغيب ولما فكرت احب قالولى إوعى ده عيب يا ناس أنا عندى قلب ونفسى أكون حبيب نفسى أكون حبيب مع أن أنا إنسان بحلم أعيش فى أمان وإنى أدوق الحب مرجعش للحرمان مرجعش للحرمان لحد إمتى يادنيا قولي قوليلى ليه راح الأمان قولى اللى عندك يلاَّ قولي واحكى حتى عن زمان شوفى زمان أنا كنت إزاي كنت بغنى ومن غير ناي كنت بقول الدنيا دى حلوه وانا دلوقتى بقيت ازاي أنا دلوقتى بقيت إزاي بقيت غرقان ف بحر هموم بقيت عطشان راحة ونوم بقيت بفكر ليل ونهار وف شر الناس بكون محتار ناس بتقتل ناس بتخون وناس بترمى الناس ف النار ناس بتقتل ناس بتخون وناس بترمى الناس ف النار لحد إمتى هعيش مجروح هوا انا مش قلب وعقل وروح ولا انا لعبه ف إيد الناس ولا أنا قلب ملوش إحساس ولا يادنيا عشانى خلاص نسيتى بسرعة أن أنا إنسان