محمد صوان يكتب: أنت الخلاص

- يا مصرنا يا أمنا طالبين حماكى كلنا مدى جناحات الأمل ردى اللى شارد عننا إنت الخلاص لما الرصاص يعرف طريقه لقلبنا يا مصر ليه الحزن ليه بينادى إبنك اسمعيه كله أمل تاخدى بإيديه من بين صعابه تعدى بيه - بابكى الوليد اللى اتقتل بإيد أخوه أطفال دماهم ع التراب وإيه جنوه بابكى على إبنى اللى راح وفايتلى فى القلب الجراح وابنى اللى ضدى جندوه - يا ام الهرم يا ام التاريخ عدى عليكى كتير طغاة ما سمعنا ليكى صوت صريخ ولا حتى قولتى ف لحظه آه - كل اللى عدُّوا مش ولادى ولا حضنى مرة ضمهم ولا كبروا يوم ورا يوم قصادى ولا دمى خالط دمهم - يا مصر ليه الحزن ليه بينادى إبنك اسمعيه كله أمل تاخدى بإيديه من بين صعابه تعدى بيه - نور الصباح يا ولادى لاح قوموا احضنوا الشمس العفية ابنى اللى راح جاب الصباح قدم عشانى الروح هديه وابنى اللى خان عهدى كمان هطهروا تانى بإيديا - إحنا وراكى وكلنا طالبين حماكى يا مصرنا إحنا وراكى وكلنا طالبين رضاكى يا أمنا