طارق ناجح يكتب: أنا كنت فاكر إنى عاشق

أنا كُنتْ فاكر إنِّى عاشِق وإن حُبِّك فى قلبى رَاشِق وأن أوقات السعادة .. خلاص مبْقِتش مُجرَّد دقايق ... صحيت لقيت قلبى بيبكى قال لى خلاص بَانِت الحقايق ........... أنا كنت فاكر إنُّه شاري باعنى وهو بيقيد فى نارى طب ليه يا دنيا تزيدى فى مرارى ده أنا كنت فاكر حُضنُه دَارى .. ......... أنا قلت خلاص هنسى اللى فات والحزن خلاص بقى ذكريات وحبيبى جنبى بالساعات إيدى فى إيده .. نحكى حكايات .. نقول ده بكره خلاص بتاعنا .. أتاريه ده وهم و خَيالَات ..، ...،، ، .، أنا كنت عامل فيها حاوي أمسح دموع .، أطبطب وأداوِى لكن اللى كان ع الغدر ناوى .. خلَّى حُبِّى مبقاش يساوي غير دبلة فضة .. و حبة غناوى