ده ملخص سريع لعلاقتك
أولهم عن حب حياتك.
صحاب كتير ولمة.
عيلة كبيرة حلوة وعزوة.
وأحلام كتير وفرصة.
وقت صغير واختيارات أكتر.
كل يوم يعدى والناس بقى حالها يحير.
لوحدك ماشى بين الكل.
مستحمل ومكمل يمكن تصيب.
فى دنيا تانية وحاسس إنك غريب.
كل فترة صاحب يخيب وحبيب يسيب.
ما هو اختيار وتوفيق ونصيب.
وأنت بتبعد وكله بيتسرسب.
واحد ورا التانى وبتتعود.
قلوب محتارة وعيون بتدور ليل ونهار
عن حب وحبيب عن أخ وصديق.
عن حلم يتحقق وأمل مينتهيش.
عن عمر جديد وسعادة وحنية.
وراحة بال ودفا وتحقيق لكل أمنية.
قلوب بتدور عليك وروح نفسها تلاقيك.
وحياة بجد تحتويك.
فيها ناس أصلها طيب وتعرف تداويك.
ودور يا قلبى دور.
ما يمكن الدنيا تبدأ حواليك تنور.
اسعى وحاول ولو ملقيتش رجا منهم.
سافر وسيبهم.