أهالى قرية أبوعوينات يستغيثون لانقطاع المياه منذ شهر فى الشرقية

أرسل أحد القراء استغاثة لانقطاع مياه الشرب عن قرية أبوعوينات مركز أولاد صقر فى الشرقية، منذ شهر ونصف.

وقال القارئ فى رسالته، المياه مقطوعة من حوالى 40 يوما وبتجيلنا من محطة ميت فارس بالدقهلية، وكل ما نكلم المسئولين يقولوا المحطة متوقفة، إيه السبب يقولك مفيش ميه عند المحطة، فى حين أن القرى اللى بجوارنا لا يوجد أزمة مياه مع أننا بنشرب من نفس المحطة".

وأضاف، "المياه مقسمة فى الصيف إلى دور أو مناوبة عندنا ٣ أيام، وفى الخط الآخر 3 أيام ولما بيجبوها لينا المفروض يقفلوا المحابس عن الخط الآخر لكن ده ما بيحصلش عشان كده الميه ما بتوصلش لينا فى حين أن الخط الآخر المية مابتقطعش".

وتابع، "شركة المياه بترسل لنا عربيات غير صالحة للشرب وما بتكفيش والناس بتتخانق عليها عشان كل واحد يملى جركن ميه يشرب منه".

شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب انفراد" برقم 01280003799، أو عبر البريد الإلكترونى [email protected]، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.