رحت فين يا طويل التيلة
وراحت فين العشرة الطويلة
باعوا واشتروا فيك
ولا بيدك حيلة
زمان قالوا حكوا عليك
عن الجمال والنعومة اللى فيك
عن الخير اللى ماليك
وفى كتب التاريخ فهمنا
ودرسنا وعرفنا
وبعيوننا شفنا
وبأيدينا لمسنا
وتأكدنا
أنك ذهب أبيض
بمال الدنيا ما تتعوض
غارت منك نفوس عليلة
حلفوا بأى وسيلة
يشيلوك من على الأرض شيل
وما يخلوك قمر الليل
راحوا جابوا بتاع بره
بسعر قليل وعره
خطة غرضها التدمير
لمقامه الكبير
لصالح جهات أجنبية
وقوى خارجية
وناس تساعد كتير
غرضها المصالح الشخصية
والضحية طويل التيلة
قليل الحيلة