سالم المراغى يكتب: مين ولع الدكان؟

يا ناس تعالوا قولوا لى مين ولع الكبريتة لا يكون كائن فضائى أو جنى أو عفريتة هاتوا اسم وناولوا هولى القصة بقت ملتوتة إييييييييييييه دى القصة بقت ملتوتة ************** الإخوان وما فيش غيرهم عمايلهم زيهم معروف من خط سيرهم والغدر فى دمهم الشعب قارش ملحتهم والسجن يضمهم إييييييييييييه والسجن يضمهم ************** القصة بقت مفئوسة وعرفنا خلاص لبتها والناس منهم مفروسة وإعدامكو أكيد أخرتها وحياة هنومة ونوسة وحياة أمى فى تربتها إييييييييييييييه وحياة أمى فى تربتها *************** يشتغلوا لنا فى الأزرق حكايتهم كلها ريبة يا نحكمكم يا نحرق والشرعية العجيبة لو فرضاً مركبى غرقت تهربوا على أى مصيبة إيييييييييييييه تهربوا على أى مصيبة **************** وفى وقت حقيقى بجد بنحقق الإعجاز ييجى أى عبيط وأهطل فى إيديه شوية جاز بس اللى يغيظ ويزعل بكلام زى الألغاز تيجى أى قناة وتطبل وتحطه فى البرواز إيييييييييييه وتحطه فى البرواز **************** يحرق قلبك يا بعيد يا اللى حرقت الدكان النار فى شرعك عيد وعندك عمى ألوان خطاويك ما فيش جديد مع داعش والإخوان قلبك حجر وحديد وإزاى حتكون إنسان إيييييييييييييه وإزاى حتكون إنسان **************** حلاعبك توم وجيرى ده مستواك يا فار إلعب مع حد غيرى وبلاش تلعب بالنار شوف شغلى شوف تفكيرى المصيدة فيها خيار إييييييييييييه المصيدة فيها خيار ****************