فتحى قريش يكتب: جه فى ميعاده.. أهلا رمضان

أهو جه فى ميعاده كالمعتاد قيدوا الفوانيس وافرحوا يا ولاد قولوا وغنوا حالو يا حالو بعد ما صاموا وفطروا وحلو قاموا اتوضوا وراحوا يصلوا علشان بالصلاة يرتاح البال زى ما قال النبى لبلال ************ لما عرفنا الصوم من بكره قلنا يا مرحب جه رمضان واللى ها يعمل خير على فكرة هو الفايز والكسبان اوعى الشهر يا عبد يعدى قبل ما تختم فيه القرآن وقولوا وغنوا حالو يا حالو بعد ما صاموا وفطروا وحلو قاموا اتوضوا وراحوا يصلوا علشان بالصلاة يرتاح البال زى ما قال النبى لبلال ************* يالا نقابله ونفرح بيه دا ليلة القدر من لياليه هل علينا ضيف وكريم شهر البركة دا شهر عظيم يالا يا مسلم صلى وصوم واذكر ربك دايما فيه وقولوا وغنوا حالو يا حالو بعد ما صاموا وفطروا وحلو قاموا اتوضوا وراحوا يصلوا علشان بالصلاة يرتاح البال زى ما قال النبى لبلال