سمير حافظ النواجى يكتب: يا اللى خايف الموت يجيلك

يا اللى خايف الموت يجيلك فكر معايا وحَكم ضميرك لو تموت أيه راح يفوتك ؟ راح يفوتك كل اللى همك وتفوت معاه كل اللى غمك وتبقى مش خسران يا خِليى راح تفوت دنيا لئيمه ! كل اللى فيها مالهش قيمه وخسارة فيها حتى الشتيمه خايف تفوت عِزوه ومال ؟ أرض وبيوت والفيلا قال ؟ إسمع كلامى من غير جدال دا الخلد فيها شيىء محال خايف تفوت قالوا وقال ؟ ولـ تفوت أم العيال ؟!! عجبى عليك وميت سؤال ! فى الحور هناك كل الجمال خايف تفوت بيتك ودارك ؟ والمشاكل ويا جارك ؟! فكر يا صاحبى وخد قرارك دى الجنه نعمه وبرضه دارك ولــ خايف تسيب مديرك ؟! اللى خلاك تبيع ضميرك والرشوه كانت هى سبيلك ولــ يمكن أنت خايف يوحشك همس الشفايف والنميمه اللى خيبتها أول خراب بيكون فى بيتها ولــ يمكن أنت عاشق زحمة شوارع فيها راشق والمرور اللى بشطارته بيسد فيها كل اللى سالك ولــ أقولك منى ليك شكلك كده ماشى فى طريق كل مادا عليك يضيق وتيجى تهرب بيناديك الموت نهايتى يا صديق _ _ _ _ _ _ _ _ _ _ يا اللى خايف الموت يجيلك فكر معايا وحَكم ضميرك لو تموت أيه راح يفوتك ؟ جاوب سؤالى وإهزم سكوتك ـــــــــــــــــــــــــــــــــــــــــــــ