ياسمين محمد الغريب تكتب: أحلام غارقة

أنا شاب شيلت الهم بدرى وعشت حياتى ابنيها بكفاح كان حلمى أكون لاعب كورة زى أبو تريكة ولا محمد صلاح لا أنا متربى على اللحمة ولا أعرف طعم التفاح قالوا عنى بشرب كولا واتهمونى بالسفاح وعشان لا أنا ابن بيه ولا ليا ضهر يحمينى حقى دايما منداس لا فى بقى معلقة دهب ولا توبى من الماس قلت أسافر وأتغرب منا نفسى أعيش زى بقية الناس اه يابلد دوقت فيكى طعم الغربة الفقر بقى منى الحبيب اه يا وطن ضاعت ملامحه المولود فيكى غريب او عايز يتغرب قلة الحيلة والفساد والفقر تقوله جرب مش يمكن حظك يحالفك ومن النجاح والغنى تقرب قليل الحيلة عايش حى تحت التراب قالولى فرصة تهاجر تعبان مش لاقى اللقمة ليا ولعيالى قلت وماله فرحت خلاص هسافر قالولى برضو ارجع يابنى هتهاجر على مركب وتسيب أرضك يامجنون قلتلهم انا ارضى ده تحتها مدفون انا راجل تعبان وعايش مطحون سافرت غرقت فى بحرك وكان كل حلمى اكلة بقيت انا اكلة للسمك يابلد فيكى الفساد انتشر اللى خلى الشباب فيكى تموت وشعبك بينتحر مش لاقى فيكى أمان مع انك بلد الأمن والأمان رايحة بينا يا ترى على فين !!؟