سالم المراغى يكتب: عندما تتقمص الذئاب دور المدافع عن الغلابة

غلابة؟ غلابة؟ غلابة مين يا ديابة؟ وبأى حق تتكلموا عن حق الغلابة؟ تلبسوا توب التقى والورع خداع بعشرين قناع باسم الجياع باطل وزور ودموع كدابة وكأن مصر كيكة وتورتة وتقسموا التركة مصر اللى ذكرها الله بالأمان فى القرآن وفى السنة أحاديث صحيحة وكتابة تجحدوها وتنكروها وتتمنوها فوضى وغابة تنتصر فيها الضوارى والديابة وبإسم الغلابة وعهد الله .. بعون الله وقسم القلم والنون والسطور مصر المذكورة بحروف من نور وقدمت للدنيا حروف الكتابة أبصم بصوابعى الخنصر والبنصر والإبهام والوسطى والسبابة مش هتحققوا مبتغاكم وهنفضل وراكم نطاردكم .. ونطردكم طرد التعالب والديابة والكلاب المسعورة ولا تبهت الصورة أو تصبغوها بالكآبة والأحزان ولا تسرقوا الأمان ولا ياخد من الوطن كائن من كان مثقال ذرة أمان ولا جناح ذبابة باسم الغلابة