وائل عبد الودود يكتب: حالف يموت شهيد

يا شايل سلاح فى الإيد وكفن فى الإيد التانية حالف لتموت شهيد ولا تبيع ولا تخون فى ثانية هما فاكرين ده انكسارك لا ده يوم انتصارك هما فاكرين نصر جديد لا ده يوم غالى وعيد يوم فيه أرض ارتوت بدمك غالى عليها زى أمك ومن يوم ما رحت تحميها حالف لتصون أراضيها أصلك ابن عزة وكرامة مش زيهم ولاد خسة ونذالة ولا يعرفوا هما مين ويدافعوا عن مين ولمين ويتاجروا باسم الدين يا عملهم الأسود اللعين شوية خونة مأجورين يبيعوا للى يدفع أكتر نسيوا أن الله هو الأكبر وصوت الحق لازم ينتصر وعمر بلدنا ما راح تنكسر وإذا كنت أنت جبان وللى يدفع أكتر عبيد فرجالتنا ليها أسنان حامية ده شىء أكيد واللى يمسها أو يكيد حالف يقدم روحه فداها أصله حالف يموت شهيد وروحه الغالية عايشة معاها