وائل عبد الودود حسين يكتب: حتى الصلصة

حتى الصلصة طلعت بايظة والناس فيها كانت لايصة وناس تانية من وراها هايصة يادى الخيبة يادى الوكسة يادى الحوسة دى بقت كارثة والكل كان عاشق للكاتشب حتى العيال منه بتشرب الطماطم فيه مغشوشة وفاسدة ولا لحيوان تنفع برده لا غسيل ولا نظافة عدة ولا إشراف ولا حتى جودة غش وسرقة والإدلة شاهدة مليانة دود وسوس مسودة ريحتها صعبة شكلها حامضة لا حد حاسس وسلم على المعدة الله يعينها عايشة صامدة من اللحمة اللى كانت حمير ولا الفراخ هرمون وتكبير وسمك الصرف ملوث وخطير ومياه الشرب مليانة تعكير والرقابة فى طراوة وتقصير إيه التفسير قالوا فى التقارير ولا تنبيه ولا حتى تحذير أمراض كتيرة ما ليها عقاقير واللى حصل ما له تبرير غير تحقير وانعدام ضمير ولينا رب رحيم وكبير