وائل عبد الودود حسين يكتب : غلاء بغباء

اللى أحنا فيه ده غلاء بغباء حاجات مش أساسية وحاجات تانية ما لينا عنها استغناء الجشع بقى وباء داء وماله دواء حالة ارتخاء من الرقابة الجوفاء ضريرة عمياء على السوق السوداء للدواء والغذاء شيء يدعو للرثاء تشوف ناس تصرف بسخاء على الموضة والأزياء وناس من السفهاء بذخ وإسراف بغباء وناس تانية عيشتها جرداء نومها أصبح عشاء أموات لكن أحياء على وشوشهم الإعياء جيوب خاوية قحطاء لا أنا من الأوصياء ولا من الأنبياء ومن غير كلام إنشاء وقصائد الشعراء ليه همسة رجاء وما لى غير الدعاء نداء للأحباء فى الوطن شركاء وفى الله محبة وإخاء ارحموا الفقراء امسحوا دموع البكاء من على وشوش الابرياء ساعدوهم بالأشياء اللى ما ليها استغناء ومن غير استعلاء أحسن عندهم كبرياء وكرامة وحياء رسالة للأغنياء الأعزاء ساعدوهم بالاحتواء وللحياة بالارتواء بلاش هجر وانزواء فى الآخرة كلنا سواء أمام رب الأرض والسماء