سامح إبراهيم يكتب: قصتى

زمان زمان وأنا لسه ف السن فتى كنت أجرى فى كل حتة.. حتى فى برد الشتا فارد قلوعى.. وقلبى من قوته بيهز ف ضلوعى أجرى فى عز المطر مايهمنيش.. وألف شوارعك يا عروسة البحر.. ومايكفنيش شايل رمل كورنيشك على أكتافى.. أهد فيه ويهد هو فى كل أطرافى هادر كموج البحر ماشى.. من طلة نور الشمس حتى التلاشى. كبرت أنا ف السن بس قلبى لسه فتى.. لا يوم كلْ ولا ملْ ولا مرة من الزمن اشتكى عايش شبابى من يوم شبابى.. ولا جيت فى يوم حسيت بشيبى ما هو أصل كلمة السر ف جليبى.. اللى شايل حب لعدوى حتى قبل حبيبى