سيد منير عطية يكتب: ما تخافيش

ما تخافيش من حُضن قلبى من هنا ليوم القيامة ما تخافيش من نار هوايا دالغرام برد وسلامة ياللى جوّه ف قلب قلبى سيبتى ميت مليون علامة دى الحياة من غير وجودك يبقى حتما ما تساويش ما تخافيش شوفى شمس نهارى تلقى ضيّها من نور عيونك شوفى قمر الليل حبيبتى هتلاقيه عاشق سكونك شوفى روحى التايهه منّى لو يفوت ساعتين بدونك هتلاقينى لو تغيبى أى جنّه تكون جحيم وتلاقيلى دموع ف عينى تشبه الطفل اليتيم وامّا تيجى ألقى قلبى يبقى والله العظيم م الفرح طاير ونفسه يحتويكى ويبقى كونك أو ما بين حضنك يعيش ما تخافيش افتحى حُضنك جناين واحضنى طير الغرام خلّى ضى الحُب باين زى نور بدر التمام دا احنا لو م الشوق هربنا يبقى ع الدنيا السلام سيبى طير الحُب يفرد ف السما جناحينه جنّه سيبى أرض غرامنا تطرح ورد بلدى وتمر حنّة دى الحياه لو ألف خنجر مستحيل تفصل ما بنّا تنتهى الدنيا ولكن حُبنا.. ما بينتهيش ما تخافيش