(1)
- السيسي : نريد تفعيل مبدأ «الملكية الأفريقية» للتخلُّص من شروط التمويل الخارجي لإرساء مبادئ الإستقلالية النفعية.
يمين بالله إنت ذات نفسك ما عارف إنت بتقول إية يا بلحة.. إطلع من دول يا لمبي.. ملكية فكرية إية بس.. خليك إنت في عربيات الخضار واللنض الموفرة
(2)
- تركيب 151 كاميرا لمراقبة أسوار وموقف سيارات مطار القاهرة بتكلفة 40 مليون جنيه
بصوا.. على الحسبة دي الكاميرا الواحدة هتبقى واقفه علينا بـ265 ألف جنية.. إنتظروا كمان سنتين كدة.. قيادات الداخلية وهيا بترد ألفين جنية للتصالح في قضية فساد كاميرات المراقبة.
(3)
- «زكى بدر» يخرق اختصاصات رئيس الجمهورية ويعين مدير مكتب والده أميناً عاماً لـ«الإدارة المحلية».
ناس عايزه توسعله صلاحياته.. وناس بتخرمها.. الله يخربيتكوا بوظتوا الراجل.
(4)
- حسب بيان وزارة الداخلية.. الطالب الايطالى توفى نتيجة حادث سير.
حادث السير دا بقى تسبب في إن جسمة مطفي فيه سجاير.. واثار صعق كهربائي.. وجروح قطعية في مناخيرة.. وأثار تعذيب وضرب في أماكن متفرقة..
إنتوا لو قولتوا توفى بعد إبتلاعه لفافة بانجو.. كانت أوقع من كدة والله.
(5)
- هيئة «تطوير الرياضيات»: المناهج المصرية أفضل من السنغافورية وتقترب من الأمريكية
خير مناهج الأرض.
(6)
- التايمز البريطانية: سجون مصر اليوم أسوأ مما كانت عليه في عهد مبارك.
وإن شاء الله الحكومة بشوية إجتهاد وتركيز.. هنبقى أسوأ من سجون كوريا الشمالية ذات نفسها.
(7)
- «السيسي»: أنا مع الغلابة لآخر عمري.. ونعيش نتائج 50 عاما من التردي
طبعا معروفة.. أخر 50 سنة كان بيحكمنا شباب الثورة وحركة 6 إبريل.. وعلشان كدة جبنا رئيس عسكري يظبطها بقى.. يا مجانييين
(8)
- رئيس هيئة الطرق: الطرق المكسرة تجبر السائق على خفض سرعته فتقل الحوادث
ودي أخر نظريات القيادة الحديثة "السواقة فن .. مش عن عن"
(9)
- مصر تمنح روسيا مليوني متر مربع من أراضي محور قناة السويس.
الأسطورة تقول: مرسي باع قناة السويس لقطر.
(10)
- حسب ما فهمته من الإعلام المصري: الإخوان هم من قتلوا الألتراس في بورسعيد.. والألتراس بقى بيشتموا المشير.. لأنهم إخوان بردوا
جمهورية مصر العربية للأمراض العقلية والنفسية
(11)
- محاسب بمستشفي المنيا يجري عمليات جراحيه للمرضي.
علشان تعرفوا بس إن كلية تجارة دي شايلة البلد دي من أول سواقين التاكسي لغايت الداكاترة
(12)
- سرقة 17 ألف دولار من صيدلي في كمين وهمي بالمرج.
مش مشكلة.. المهم نمنع جمال عيد من السفر ونقبض على الاشتراكيين الثوريين.. إنما أمن وأمان وعربيات مسروقة والجو دا.. مش شغلة الدولة طبعا.
(13)
- ''الطرق والكباري'': جودة الطرق في مصر لا تقل عنها في أبو ظبي وألمانيا
السؤال .. ألمانيا البلد وألا ألمانيا المحطة !!
(14)
- انهيار كوبرى الجامعة الجديد بسوهاج بعد تشغيله بـ 6 أشهر.
في سياق متصل.. البلد دي بقى هتعمل مفاعل نووي.. عموما سيشهد التاريخ.. إن الهيئة الهندسية.. وقعلها كوبري بعد تشغيله بست ساعات.. بصوت السادات
(15)
- وزارة الصحة: أسماك البحيرة ليست “نافقة”.. ولكنها في “غيبوبة”.
حتى السمك في البلد دي بيستهبل.. السمك مغمى عليه بعد جرعة فوسفات زائدة
(16)
- رئيس لجنة "حقوق الانسان" في "مجلس النواب" مرتضى منصور يطالب الشرطة إنها تنتهك عرض أحمد مالك، وتحط القلم اللي كان بيكتب بيه على الكندم في -لامؤاخذة- اي حته في جسمة.
ايون قال كدة.. رئيس لجنة حقوق الإنسان في البرلمان المصري.
(17)
- إغلاق 4 محطات تنقية مياه الشرب في المنيا.. بسبب انخفاض منسوب النيل.
طبعا ميلفات السيسي هيبدأوا يكلمونا عن فوائد الجفاف للبشرة.. والتأثيرات الإيجابية لظهور التماسيح على الصحة البيئية
(18)
- السيسي في مداخلة مع عمرو أديب: عارف يا استاذ عمرو يعني إية بلد بتنهار؟؟ يعني بقايا دولة.
عارف يعني إية بقايا دولة؟ يعني بلد بتنهار.
اه والمصحف قال كدة.. طبعا بعد ما نشيل الطرفين المتشابهين من المعادلة.. هنكتشف إن البودرة لازم تتصرف عالتموين في البلد دي علشان نقدر نكمل
(19)
- المدرب الألماني "فيلكس ماجات" يرفض تدريب الأهلي بسبب الظروف الأمنية في مصر بعد توصيات من السفارة الألمانية في القاهرة.
ايه السفارات الغريبة دي إللي بتحافظ على سلامة مواطنيها.. ييجوا إية دول في سفارتنا في الخارج إللي شغلتها تكتب تفارير فينا وتسلمنا للأمن المصري وترحلنا.
(20)
- مبروك.. مصر تحصل على المركز 90 ضمن قائمة أفقر دول العالم.
الله يخربيتها الثورة كانت هتخرب البلد.. اه وبالمناسبة.. العراق ذات نفسها متقدمه علينا ب 30 مركز.. للأسف مبقيناش افضل من سوريا والعراق ولا حاجة.
(21)
- السيسي: "كل ما أحط إيدي في حتة ألاقيها مليانة مشاكل"
مش عارف دا سوء حظ وألا غباء من الآخرين.. متحطش إيدك تاني في الأماكن إللي فيها مشاكل يا ريس
(22)
- وزير التعليم العالى: خروج جامعات مصر من التصنيف العالمي «مش مشكلة»
بالعكس.. أبسوليوتلي.. إحنا إللي هنخلي التصنيف العالمي يدخل جوا الجامعات المصرية.. دماغي هيا إللي اثرت عالحادثة.. وعملتلها دماغ كمان
(23)
- جائزة أفضل بيمب مصطفى بكري تذهب هذا الأسبوع مناصفة بين خالد ابو بكر وتامر أمين.. على التصريحات التالية:
تامر أمين: الرئيس السيسي أذكى رجل في العالم .
خالد أبو بكر: "السيسي هو الحلم والأمل.. ويعمل اللي هو عاوزه"
انا رأيي إنتوا الإتنين ومعاكم سيادة الرئيس.. تدوروا على حد ثقة يعمل إللي هوا عايزه معاكم
(24)
- في عملية نوعية.. قوات الأمن بالسادات تعتقل الطفل اسلام ماهر الشرقاوي ١١ عاما في الصف الخامس الإبتدائي.
ايون.. وموجهين للطفل 4 تهم.. منهم إثارة الشغب والاعتداء على الأمن.