أشرف أبو زيد محمود يكتب : سنين وسنيـن

أيام وبتعدى --------- وسنين تجيب سنين وكل اللى باقى عندي--- ---------ذكرى وشوية حنين افتكر أيام الطفوله والبراءة ----ومشى فى الشارع برجليه حافين ولما كبرت شويه بقيت افرح ---بجزمه قميص أو بنطلون جابردين وهبا عرفت الشقاوه والسجاير ---والبنت أم ضفيره نزله على الكتفين الشقاوه زادت لا دى تمادت ----بس أقولكم كنت ولا الشياطين وسنه وراها سنه خلصت الدراسة --- ودخلت الجيش وبقيت من المجندين وخلصت الجيش وعايز أكل عيش ----وأشوفلى شغله أجيب منها قرشين ومن مكان لمكان ومن فلان لفلان --أشتغلت 100 شغله وياريت عاجبين فلان اللى من سنك وابن خالتك وابن عمك-- نجحو وفلحو وأنت من العاطلين وكونت شوية فلوس و نفسى أقعد فى كوشه ---وألبس بدله شيك وجزمه بربطين وتلف السنين وبقيت ابو الولاد وطبعا الحمل زاد---- وكله مكتوب على الجبين وسنه تجيب فى سنه وأنا مش أنا هو -----أنا اتغيرت ولا ده طعم السنين فين أصحاب زمان فين بنت الجيران--- وحلاوة رمضان والتليفزيون أبو قناتين كل شيء اتغير والدنيا حالها يحير ------حتى الأطفال بقى ليهم لسانين ناس تغدر بيك وناس تغنى عليك ----وناس تدى دروس لكتيبه شياطين واللى كان حبيب فجاءه بقى غريب----- و كل الناس مركبه الوشين وأيام وبتعدى وسنين تجيب سنين ----وأكيد هيجى يوم ونبقى مش عايشين واللى كانوا هنا امبارح هما انهرضه------- فين أبكى بحرقه يا عين وزى ما هما رحلوا----------- احنا كلنا هنكون من الراحلين تفوت سنه تيجى سنه --------- مبقتش فارقه كلهم يومين وكل سنة وأنتم طيبين