السيسي يفتتح عددا من المشروعات بـ6 أكتوبر ويعلن عن توفير مليار جنيه لبناء 100 ألف وحدة

وصل الرئيس عبد الفتاح السيسى، اليوم السبت، إلى مدينة السادس من أكتوبر وذلك لتفقد وافتتاح عدد من المشروعات السكنية.

وخلال الافتتاح، قال الرئيس عبد الفتاح السيسى: "نحتاج 40 مليون جنيه فى اليوم، عشان نوصل المياه الصالحة للشرب للمواطن، ومحتاجين نرشد الاستهلاك علشان منقولش المياه والكهرباء غالية".

وأضاف الرئيس خلال كلمته فى افتتاح المشرعات السكنية بمدينة السادس من أكتوبر اليوم السبت: " محتاجين نعرف حجم المطلوب والتحدى الذى نواجهه.. عشان أوفر مياه صحية محتاجين كام عشان كده، محتاجين 25 مليون متر مياه يومياً".

ووجه الرئيس حديثه للحضور قائلاً: "من فضلكم اشرحوا للناس متر المياه بيتكلف كام.. وإن الدولة متقدرش تقدم الخدمة بالطريقة ديه إذا كان إحنا بندور على الأجيال القادمة.. إحنا مش هنعيش ونسيب الآخرين يواجهوا مصيرهم، المسئولية على الجميع تتضمن أيضا الإعلام، شوفوا المطلوب إيه والمتاح عندنا إيه".

وأعلن الرئيس السيسي عن توفير مليار جنيه من صندوق تحيا مصر، لدعم المشروعات السكنية، وبناء 100 ألف وحدة سكنية جديدة خلال العام الحالى.. مضيفاً: "لابد أن يشارك المصريون فى بناء التحدى، ولازم يعرف المصريون حجم الجهد والتحدى المطلوب ليكون هناك أمل حقيقى للناس.. لأن اللى بنعمله ليس كافيًا، ولابد من التصدى لقضايانا بجد".