سرد الفنان محمد لطفى قصة طريفة حدثت معه، عندما حاول لص سرقة المنزل.
وقال "لطفى"، خلال لقائه برنامج "قهوة أشرف"، على فضائية "الحياة"، مع الفنان أشرف عبد الباقى، أنه كان يجلس فى مقهى السائقين، مردفاً: "كنت مستلف 50 جنيه، ركبت تاكسى بـ7 جنيه، وروحت البيت، سمعت صوت غريب، ولقيت نشارة خشب جنب عقب الباب، قلت حرامى جاى يسرقنى ومش معايا فلوس".
وتابع: "كنت حاطط الموبايل قدامى و43 جنيه، رحت سايب الباب مفتوح، ومجهز إيدى لإنى كنت ملاكم، قعدت مستنى الحرامى، والدنيا برد ومجاش، رحت فى النوم وصحيت الصبح ملقتش الموبايل ولا الفلوس، ولقيت الباب مفتوح".
واستطرد: "نزلت وسألت لقيت واحد حارس مراجيح، وسألته مشوفتش حد جاى من ناحية بيتنا، عرفت عنوانه، ورحت البيت فتحتلى بنت صغيرة، ورحت على الأوضة بتاعته، وصحيته، وخدت منه الموبايل".