قالت الكاتبة الكبيرة فريدة الشوباشى وعضو مجلس النواب: "الرئيس عبد الفتاح السيسى استلم مصر خرابة، وبيت حالته حالة ومقدرش أقوله تانى يوم فين القصر.. وهو بقى بيبنى القصر حاليا.. والحالة اللى كانت عليها مصر صعبة جدا.. وشوفنا بحيرة عين الصيرة كانت كلها قمامة، وحاليا بنحس إن إحنا فخورين بحضارتنا وتاريخنا، بالإضافة إلى تطوير الطرق، وهناك اهتمام للرئيس بالطرق وتوسيع المحاور وبناء محاور جديدة وينقل مصر نحو المستقبل.
وأضافت، خلال مداخلة عبر سكايب عبر برنامجها مانشيت المذاع على قناة إكسترا نيوز: "السيسى بيرجع مصر لرونقها وعاصمة العالم.. وسهل الطرق لمتحف الحضارة، وبنخلى العالم يعترف مصر صاحبة حضارة، واليوم لما يجوا الناس مبهورين باللى بيشوفه عندنا.. وبفكر الشباب صحيح عندنا صروح فرعونية وإسلامية، ولكن محدش يقدر ينسى إن إحنا عملنا السد العالى.. واستعادة التقيم واحترام تراثنا وحضارتنا القديمة وفيه ناس كانت عاوزة تفجرها، وكل هذا يفتح ويسترجع الآفاق اللى كانت مفتوحة".
وتابعت: "عمرى ما هنسى الفنان فاروق حسنى كان بيتنفض على بناء متحف الحضارة، ومصر لديها ثلثى آثار العالم، وغير الأهرامات اللى مدوخة العالم كله.. وبدل ما كانت الحاجات دى مركونة اليوم بنسترجع بيها تانى ونفخر بهذه الحضارة، وعمل حديقة فى حدود 25 كيلو مترا من ناحية الفسطاط".
وأوضحت: "هناك حديقة مثل الأزهر هتخلى الناس تتنفس أكتر، ومتحف الفسطاط بيدخل الآلاف من الأشخاص يوميا، والنهاردة عندنا القمح قدرنا نزرعه ويكفينا، وصناعة الأدوية والاستزراع السمكى، وذلك بسبب أن لدينا قيادة عاوزة الخير، وحتى الجماعة اللى بيشتمونا تركيا مشتهم وإحنا أهو بنقول للعالم كل حاجة على الواقع فى التطويرات".
وعن سبب عدم تشكيل حكومة لبنان حتى الآن قالت: "هناك تجزر للطائفية فى لبنان، الخرب الحقيقى أنهم مش قادرين يتفقوا بسبب اختلافهم على الديانة، والرئيس اللبنانى اللى ماشى ورا صهره، ولابد أن يكون هناك وزراء أكفاء كل منهم يدير ملفه بكفاءة والناس حاليا بيتخانقوا على زجاجة زيت فى لبنان اللى كان فيه الخير ما له حدود".