رحلت الإعلامية أسماء مصطفى عن عالمنا صباح اليوم الإثنين، بعد صراع مع المرض، حيث أعلن خبر الوفاة زوجها عضو مجلس النواب أيمن أبو العلا، وكتب عبر حسابه الشخصي بموقع فيس بوك "انكسر ظهرى وفطر قلبي ولن أقول إلا ما يرضي الله.. إنا لله وإنا إليه راجعون"، ومن المقرر تشييع جثمانها بعد صلاة العصر في مسجد الشرطة بأكتوبر، والعزاء غدًا الثلاثاء في نفس المسجد.
وكان آخر ما كتبته أسماء مصطفى عبر حسابها بموقع "فيس بوك" بتاريخ 12 أكتوبر، وذلك بعد دخولها المستشفى، حيث عبرت فيه عن امتنانها من بعض صديقاتها اللائي أهدين المستشفى جهاز حقن كيماوى باسمها كصدقة جارية معلقة: النهاردة بجد جاتلى أغلى هدية ممكن إنسان فى مرضه أو شدة محتاجها أصحابى الستات الجدعان وأحلى ماميز فى الدنيا فكروا يجيبولي إيه هدية وعملوا أحلى حاجة فى الدنيا ممكن أكون أنا وغيرى محتاجينها ولا تقدر حقيقى من وجهة نظرى بثمن".
وأضافت أسماء مصطفى: "بدل ما كل واحدة تروح تجيبلى هدية أو ورد شيكولاتة إللى هى الهدايا لما بتروح تزور حد وطبعا كتر خيرهم إنما جمعوا بعض ولما الفلوس وراحوا اشتروا جهاز حقن كيماوى وحطوه باسمى فى مستشفى 57، أنا عارفة أنهم مش منتظرين شكر منى ولا البوست ده حتى بس أنا حبيت أنشر فكرتهم الحلوة الى كلها إنسانية وثواب كبير ربنا يجازيكم بالمثل وأكثر ربنا يخليكم ليه يا رب".
وتابعت: "اللهم لك الحمد كما ينبغى لجلال وجهك وعظيم سلطانك ربنا فى محنتى آه رزقنى انى أعانى من السرطان وأشوف قسوة التجربة لكن كمان رزقنى بنعمة كبيرة بكم من البشر كلهم نقاء دعوات كانت بتوصلني من كل مكان طول الوقت وفى اطهر بقاع الأرض فى الحرم وفى صلوات فى الجوامع والكنائس وختم للقران وإطعام وإفطار صايم".
واختتمت كلامها: "يا رب لك الحمد على رزقك ونعمك شكرًا ليكم مهما ما شكرتكم مش هقدر أوفيكم حقكم ربنا يحفظكم ويجعله فى ميزان حسناتكم يا ريت بجد الى يقدر يعمل زيهم ده بيفرق فعلاً وربنا يتقبل ويشفى كل مريض".
