الإعلامية سناء منصور لمروجي دعوات الفوضى: "العبوا غيرها".. فيديو

وجهت الإعلامية سناء منصور، رسالة شديدة اللهجة إلى كل من يروج لدعوات الفوضى في مصر. وقالت "منصور" خلال تقديمها لبرنامج "السفيرة عزيزة" مع الإعلامية شيرين عفت، على قناة "dmc"، اليوم السبت: "إلعبوا غيرها، لو فاكرين إن المصريين هينسوا التار اللي بينهم وبينكم، ويصدقوا إن إنتوا قال يعني قلبكم علينا، لا خلي قلبكم في البلاد اللي رحتوا تستخبوا فيها، ومع التمويلات اللي بتاخدوها، وسيبولنا بلدنا إحنا أولي بيها، واحنا بس اللي نعرف قيمتها ونعرف نصونها ونستحملها". وتابعت: "هل يعتقدون أننا نسينا ما فعلوه في بلدنا، جعلونا نعيش فيلم رعب واقعي، حرائق وقتل وخطف وتهديد، وأي أم ستتذكر الأيام التي كانت بتودع فيها جوزها وأبنائها وهي تدعو الله أن يحرسهم، كانت بتدعيلهم مش عشان رايحين يحاربوا علي الجبهة، لا دول كانوا بيطلعوا بالشوم والعصيان علي أول شارعهم عشان يدافعوا عن بيوتنا من البلطجية والحرامية اللي كانوا يروحوا يضربوا الأقسام والمديريات". أضافت: هما فاكرينا نسينا كل ده ولا نسينا مثلًا طوابير أنابيب البوتاجاز ولا قطع الكهرباء ولا الإرهابيين اللي كانوا بيستضيفوهم في بلدنا، ولا اقتراحاتهم وحلولهم اللي كان أعظمها نلبس قطونيل عشان نحل أزمة الحر والكهرباء.. لا احنا ما نسيناش كل ده ولا نسينا خيانتهم وكرههم لبلدنا وحبهم لنفسهم ولمصالحهم ولا نسينا الدم اللي بينا وبينهم".



الاكثر مشاهده

"لمار" تصدر منتجاتها الى 28 دولة

شركة » كود للتطوير» تطرح «North Code» أول مشروعاتها في الساحل الشمالى باستثمارات 2 مليار جنيه

الرئيس السيسى يهنئ نادى الزمالك على كأس الكونفدرالية.. ويؤكد: أداء مميز وجهود رائعة

رئيس وزراء اليونان يستقبل الأمين العام لرابطة العالم الإسلامي محمد العيسى

جامعة "مالايا" تمنح د.العيسى درجة الدكتوراه الفخرية في العلوم السياسية

الأمين العام لرابطة العالم الإسلامي يدشّن "مجلس علماء آسْيان"

;