علق الإعلامي جابر القرموطي، على انطلاق أولى حلقات "كابيتانو مصر" على شاشة "ON"، قائلا: "عاوز تبقى عظيم انزل القرى والنجوع في هذا البلد ومتكتفيش بالحضر، وتصوري إنه واحد من أهم المشاريع الاقتصادية، الرياضة مش فن بس، كمان اقتصاد".
وأوضح خلال تقديمه برنامج "مانشيت"، عبر قناة "CBC"، أن الأولاد في "كابيتانو مصر" حاجة عظمة، مقدما الشكر للإعلامي أحمد فايق، وحرصه على الإشراف على هذا المشروع.
وتابع: "الشركة المتحدة لما جات علمت حاجة زي دي، يبقى بحط إيدي على عنقود العنب الصح، وبتخيل بعد 4 سنوات لما أروح كأس العالم يبقى عندي لاعب 18 سنة ويبقى لعيب، زي مبابي كان الوحيد اللي بيلعب في فرنسا في النهائي، وامبارح احتفل على مرور 24 سنة، وكأس العالم اللي فات 20 سنة وقبلها واخد بطولة أوروبا".
وواصل: "ليه ماسكين ومتشعبطين في محمد صلاح، عندنا 300 محمد صلاح ومحدش اكتشفه، ومحدش نبش، والمسؤولين اللي قائمين على هذا الأمر ل هم تاريخ في الكرة، منهم أحمد الكاس، والناس نفسها أولادها يلعبوا كورة، مش لاعيبة عشان يجيبوا فلوس ولكن عشان يفيدوا البلد"، مشيرا إلى أن "كابيتانو مصر" أكبر مشروع اقتصادي.