تضامنت الفنانة زينة مع الزميلة شيماء عبد المنعم، أول صحفية مصرية تقوم بتغطية حفل الأوسكار، بعد الهجوم الشرس التى تعرضت له الزميلة بسبب ارتباكها أثناء سؤال النجم العالمى ليوناردو دى كابريو، حول الفوز بأول أوسكار له.
وكتبت زينة عبر حسابها الشخصى على "انستجرام": (أحب أقولك مبروك يا شيماء صحفية انفراد على تغطية حفل الأوسكار، أما عن النقد اللى اتعرضت له صحفية الأوسكار بسبب انتقادهم الإنجليزى بتاعها، أو أن السؤال أهبل زى ما بيقولوا، أقولك: "كنت حاسه بيكى وبرعشة وفرحة فى صوتك وخوف؛ وده نتيجة انك طبعا فى موقف كبير أوى وده أمر طبيعى جدا لإنسانة عندها مشاعر الخوف والقلق، بنى آدمه طبيعية يعنى مش جبلة".
وتابعت زينة: "الناس الراقية هاتشوف سؤالك وتضحك زى ليوناردو يا شيماء، أما المرضى هاينتقدوا واللى يعمل دمه خفيف وهو أرخم ما خلق طبعا، وممكن لو كان فى موقفك كان فقع زغروطة بدل السؤال، الناس الهدامة بدل ما تشكرك على التغطية الهائلة للحفلة وتوجهك بينك وبينها انك السنة الجاية تكونى أفضل، انتقدوكى نقد أهبل غير بناء، معلش يا بنتى، غل بعيد عنك".
وأضافت زينة: "أنا أول مره شفت الفنان أحمد زكى -الله يرحمه- عيط من الخوف والفرحة ومعرفتش حتى أمد ايدى أسلم عليه رغم عشقى ليه، مبروك يا شيماء ومستنيين السنة الجاية تغطيه لحفل الأوسكار 2017 أجمد وأحلى كمان".
اخبار متعلقة
نقابة الصحفيين ترسل "بوكيه ورد" للزميلة شيماء عبد المنعم على تغطية الأوسكار
خالد صلاح رداً على منتقدى شيماء عبد المنعم: ننتظرك فى أوسكار 2017
وعد البحرى مدافعة عن شيماء عبد المنعم: "صحفية انفراد مجتهدة"
