بنفاد صبر أحيانًا وبضحكة فى أحيان أخرى يستقبلون اتصالك، يخبرونك أن "لأ يا فندم الرقم غلط"، وفى أوقات أخرى قد يبادرونك بتعليق مازح "ياريتنى أنا والله"؛ هكذا يكون رد فعل الملاك الجدد أو الأصليين لأرقام تليفونات المشاهير المهجورة، التى تسبب لهم إزعاجًا لا ينتهى يختلف مصدره حسب اختلاف الشخصية، بين إزعاج الصحفيين والمعجبين لأرقام الفنانين واستغاثات المواطنين وأصحاب الشكاوى لأرقام رجال السياسة والمسؤولين، بينما تقف "العشرة" القديمة مع الرقم أو مصالح العمل والعلاقات الكثيرة حائلاً بينهم وبين التخلص منه.
وعلى عكس محاولات الصحفيين للبحث عن الرقم الصحيح للمشاهير، بحثنا عن أصحاب هذه الأرقام الخاطئة التى كانت فى وقتٍ سابق ملكًا لمشاهير، أو تم تداولها عن طريق الخطأ باعتبارها كذلك، لنسألهم عن معاناتهم مع "لعنة أرقام المشاهير"، فكانت صفارة انتهاء الاتصال هى إجابة البعض، وكانت هذه الحكايات إجابة البعض الآخر..
الصدفة تربط طبيب بمحافظ الإسكندرية السابق.. والسر فى رقمين
الدكتور "إبراهيم عبدالفتاح" طبيب تحاليل شاءت الصدفة أن يكون رقم هاتفه مطابقًا لرقم الدكتور "هانى المسيري" محافظ الإسكندرية السابق إلا فى آخر رقمين، ومنذ تعيين "المسيرى" محافظًا للإسكندرية وهو يتلقى آلاف الاتصالات الخاطئة باعتباره هو ما إن اتصلنا به بادرنا بصوت هادئ "دا مش رقم دكتور هانى، بس ممكن أديهولك".
وأوضح "من يوم تعيينه محافظًا للإسكندرية وأنا كل يوم يوصلنى مئات الاتصالات لدرجة إن خاله شخصيًا اتصل بى من أمريكا لتهنئته على المنصب"، يضيف "بيوصلنى يوميًا رسائل كثيرة فيها استغاثات وشكاوى باعتبارى المحافظ فببعت للناس إن الرقم غلط وأقولهم على الرقم الصحيح علشان بيصعبوا عليا".
أما عن قرار تغيير الرقم فيقول "ما أقدرش أغيره لأنه من الأرقام المميزة، كمان هو مع ناس كتير فى الشغل ومسؤولين ما اقدرش أقولهم أنا هغيره علشان كان شبه رقم المحافظ".
القرار نفسه اتخذه "محمد عبدالرؤوف" ولكن ليس بسبب العمل بل لأنه "شارى الخط من زمان، من أول ما الموبايل دخل مصر وكان الخط بألف ونص فمستحيل أغيره"، حظ الحاج "محمد" كان أن يتم تداول رقمه باعتباره الخاص بالدكتور "هانى هلال" مدير المركز المصرى لحقوق الطفل، ويقول بانفعال "أنا مش عارف الناس اللى بتتصل دى ما بتكلمش الاستعلامات ليه وتسأل رقمه كام؟ الرقم دا بتاعى من زمان وكل شوية حد يكلمنى مرة أقولهم الرقم غلط ومرة أقولهم ياريتنى كنت أنا".
ويضيف "كمان فى ناس بتروح داخلة فى السؤال على طول من غير حتى ما تتأكد إنه أنا بسيبهم خالص لما يخلصوا أقولهم لو سألتوا من الأول كنت وفرت عليكوا السؤال".
بحدة وانفعال أقل رد "محمد مصطفى" الذى يتم تداول رقمه باسم الفنانة "لوسى" ويقول "بقالى سنتين تقريبًا بيجى لى اتصالات تسأل عن الفنانة لوسى، مش عارف السبب إيه يمكن تشابه أرقام، لكن لأن الاتصالات بتكون مرة أو اثنين فى الشهر وقبلها كنت مسافر برة مصر وقافل التليفون ما فكرتش أغير الرقم".
أما "عصام سامى" فكان نصيبه رقم سابق للراقصة "سما المصرى" ويقول "اشتريت الخط تقريبًا من سنة، ومن ساعة ما اشتريته والناس بتتصل بيا تسأل عنها، واكتشفت إن حد مسميه على "تروكولر" بالاسم دا، فى الأول بصراحة كنت بحسب حد بيعاكس بعدين عرفت الحقيقة". ولأن هذا الرقم خاص بالعمل لم يتمكن "عصام" أيضًا من التخلص منه، فيكتفى بتوضيح الأمر للمتصلين من الصحفيين أو المعجبين.
وباقتضاب وانفعال تحدثت "مدام رانيا" التى يتشابه رقمها مع الفنان "أحمد حلمى" "أنا زهقت والله لسة مشترية الرقم من كام يوم وكل شوية حد يتصل بيا وأرد ألو يا افندم النمرة غلط، مش عارفة أعمل إيه شكلى هغير الرقم".
