"جملة تشتهر بيها الأم المصرية" ترند على "تويتر"

يعتبر الحنان واحتواء الصغار من أهم صفات الأم وجزء من طبيعتها الفطرية التى وهبها الله إليها، لكن الأم المصرية تتميز بأنها موهوبة فى فن رد الكلام على فلذات أكبادها، ولها العديد من الجمل والعبارات المميزة، التى تندرج فى الغالب تحت بند تربية الأولاد وحبها لهم ولكن على طريقتها الخاصة.

هذا ما حاول رواد تويتر توثيقه والنقاش حوله اليوم فى هاشتاج تحت عنوان "جملة مشهورة بيها الأم المصرية" وشاركوا فيه بفاعلية ساردين أهم ما تتميز به أمهاتهم، واحتل المرتبة التاسعة فى قائمة الترند المصرى".

وكشف المغردون فى الهاشتاج عن أهم لزمات أمهاتهم، حيث كتب محمود: "عايزين تاكلوا إيه النهاردة"، فيما كتبت مريام سليم: "كله بسبب الزفت الموبايل اللى انتى ماسكاه ليل نهار، قومى ذاكرى، والله ما انتى نافعة لا فى بيت ولا فى دراسة".

وكتبت نورجان: "هتفضلى لحد امتى متعرفيش تطبخى، ماما أنا لسه صغيرة، صغيرة إيه، ده وأنا أصغر منك كنت شايله البيت"، فيما كتبت سمر زيدان: "كله من الزفت اللى قاعدة قدامه، كله من الزفت اللى بتاكلوه من الشارع، كله من الزفت أصحابك"، وهو ما أيدته آلاء: "ماما معدتى بتوجعنى، ما هو من الزفت اللى انتى قاعدة عليه 24 ساعة ده".

أما عمار الحريرى فكتب: "هات الشبشب بعد ما تحدفك بيه"، وكتبت أميرة الديب: "سيبى البرطمانات الفاضية هتنفع"، بينما كتب محمد فايق: "خد الزبالة معاك وأنت نازل"، وكتب محمد مبارك: "أنا مش راضية أقول لأبوك انك عملت كذا وكذا وكذا، وهو أساسا على السماعة".

وكتبت آروى: "المذاكرة مبتخلصش، صارحينى بكل حاجة يا حبيبتى ده محدش هيخاف عليكى أكتر منى، ماهو ده اللى انتى فالحة فيه"، فيما كتب مدون آخر: " كل أم بتقول أبوكم ده حفى ورايا، كانت العرسان عليا طوابير".